Jeremi 52:13 - Bible azumeina

¹³ Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 52:13 Kruisverwysings

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Sawal la giled’a 79:1

Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Jeremi 19:13

Gongîyo suma Jerusalem-ma ki gongîyona hamulei suma Juda-nina a mba mbut ndjendjed’a d’igi Tofet na. Gongîyo suma suma a he dubang ma his djivid’ina kazi akulo mahle suma akulonina ki gongîyo suma suma a he he d’a hawa d’a süm guguzlud’a malo ma dingâ kuana pet, a mba mbut ndjendjed’a d’igi Tofet na mi.

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Jeremi 21:14

An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.

Jeremi 22:14

Ni zla d’a hohoud’a yam sama nga mi dala: An mba ni min gong nga ngol la bubud’a, an mba ni kat hurut nglod’a teteng, an mba ni tinit fenetred’a, an mba ni b’al agu sedrena huyogot akulo, an mba ni gulud’ut ki pentir ma hleuna na.

Jeremi 32:29

Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Jeremi 6:5

Agi tchologi akulo, ei i atat andjege, ei b’lageizi azì mat ma nglo ma ad’eng ma ngunguna woyo!

Jeremi 7:14

Kayam ndata, an mba ni le ki gong nga agi nga tchenen kua d’a agi tinigi hurugi kat ta an hat mi agi kabuyogi ngolod’a d’igi an le ki Silo na mi.

Hor ma tchina 2:5

Salad’a mi mbut tam d’igi ma djangûna hi Israel-lîna na, mi b’lak Israel-lâ woyo, mi b’lak azì mazi ma nglo ma amula woyo, mi b’lak azì mazi ma ad’eng ma ngunguna woyo, mi zul tchina ki zam tad’a avo Juda.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.

Hor ma tchina 2:8

Ma didina mi nga hurum á b’lak gulumun ma Jerusalem-ma woyo, mi yo ziyo ma nga ahlena, mi ngamu, mi hle nga abom mbei bei mi b’lagam mbei d’i. Mi mbut gulumuna ki gong nga ndjol la kamba d’igi suma a nga tchi horîna na, mi b’lagazi woi ki zla tazi djak.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Amos 2:5

an mba ni do akud’a ata azì ma ngol ma Juda-na, ti mba d’i ngal azì ma ad’eng ma ngungu ma Jerusalem-ma woi mi.

Amos 6:11

Ata yima Ma didina mi he vunina, gong nga ngola mba d’i dris kä ti b’lak keyo, gong nga gora mba d’i to woi mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Zakari 11:1

Ndak ambas sa Liban-nda, ndak mal lovot maka woyo, ar akud’a ti ngal agu sedre ma’â.

Matiye 24:2

Wani Jesus mi hulong dazi ala: Agi wagi nga ahle ndazina pet tuo? Gagazi, an nga ni dagiya, ahina d’a a mba arat akulo yam ndrat ahinad’a bei hôt kä woid’a nga d’i.