Jeremi 51:8 - Bible azumeina

⁸ Atogo hina zak Babilon ti puk kä, ti b’lak keyo. Agi tchigi kad’u, agi yogi kumana á tinda ata mbil matna. Dam mba d’i tchil kla?

Jeremi 51:8 Kruisverwysings

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Jeremi 46:11

Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Jeremi 48:20

A mba hulong dala: Azì ma Mowap-ma mi mbut wa zulona, kayam a b’lagam wa woyo. Agi tchagi wulula, agi tchigiya, agi dum zlam mbei avun alum ma Arnon-na ala: Azì ma Mowap-ma mi b’lak wa woyo.

Jeremi 48:31

Ni kayam ndata ba, an nga ni tchi yam azì ma Mowap-ma, an nga ni tchi yam azì ma Mowap-ma ki zla tam pet, an nga ni tchi yam suma Kir-Heres-sâ.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:41

A le ni nana ba, a hle Sesak ke! Azi ma suma yam andagad’ina pet a suburuma, a hlum wa! A le ni nana ba, Babilon ti mbut djona aduk andjaf suma ge!

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Ezekiyel 30:2

Ang gor sana, ang djok vuna, ang dala: Salad’a Ma didina mi dala: Agi tchigi tchi ma hat hurâ ala: Alë! Ni bur ma me na ge?

Daniel 5:24

Ni kayam ndata ba, Alona mi sunï abo sana á b’ir zla d’a b’ir ndata wana.

Daniel 5:31

Dariyus ma Mede-na mi hlamula. Bizamî dok karagaya yam mbà.

Nahum 3:19

Kuma ma yam mbil mangîna mi nga d’i, mbil mangâ ni mbil ma tchang matnina, suma pet suma a mba hum zla mangîna a mba tchabozi ad’ung ririp. Ni nge ma bei ang lum murud’umina ge?

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.