Jeremi 51:55 - Bible azumeina

⁵⁵ Kayam Ma didina nga mi b’lak Babilon ndeyo, nga mi seng vunazi ma tchi wü na. Suma b’lak yina delezi nga d’i b’ik kä b’ib’ik d’igi abilâ halum ma ngolîna vunam nga mi tchi wü na.

Jeremi 51:55 Kruisverwysings

Sawal la giled’a 124:2

Ladjï Ma didina mi nga ki sed’ei d’uo ni, ata yima suma a tchol á duri

Sawal la giled’a 124:4

Ladjï mi nga ki sed’ei d’uo ni, mbina mi hlubiya wa, aluma mi djang wa keya,

Sawal la giled’a 18:4

An nga ni gile Ma didina, kayam me ata yima an yuma mi sud’un ndei abo man suma djangûna.

Sawal la giled’a 65:7

Kad’eng manga ang tin ahuniyôna ata yaziya, ang nga kaka kad’eng manga ngingring mi.

Sawal la giled’a 69:2

Alo mana, ang sud’unu, kayam ndaka mba kelen ta d’igi mbina mi mba kel sana ta na.

Isai 15:1

Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 51:42

Alum ma ngolâ mi hlup wa Babilon kä, abil mam ma tetengâ, mi hlubut wa kä.

Ezekiyel 26:3

Gola! An nga ni dur ki agi suma Tir-râ, an nga ni mba kandjaf suma ablaud’a atagi á durâ d’igi alum ma ngolâ mi sulul abil mama na.

Wana ni Zla d’a Djivi d’a Luc mi b’irita 21:25

Jesus mi had’azi kua ala: Suma a mba wahle suma simata nata afata azi ki tilâ ki tchitchiud’a. Yam andagad’a ka hî, andjaf suma a mba fe ndaka, a mba tcha tata abo siwela halum ma ngolîd’a, abo abil ma ngolâ mi.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.