Jeremi 51:53 - Bible azumeina

⁵³ Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Jeremi 51:53 Kruisverwysings

Ad’u Tinda 11:4

A de tazi kua ala: Ei i mini azì ma ngolâ ki gong nga ngol la fiyak ka yat do hur alonid’a, ar simiyeî mi yiya, kayam ei b’rawei woi yam andagad’a d’i.

Wana ni mbaktumba hi Job-pa 20:6

Le ngol mamba ti i gak hur alona, le yam i doï d’ugula pî,

Isai 13:17

An mba ni zut suma Mede suma a nga djib’er yam kawei ma hap poze tazi nga lazi djivid’a yam lora d’uo na á kak djangûna ki sed’eziya.

Isai 41:25

An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 50:21

Ma didina mi dala: Agi tchologiya, agi i durugi ambas sa Meratayim-mba, agi durugi suma a nga kaka Pekot-na, agi dabazi woyo, agi b’lagazi ahle mazi suma blogozina woi kakazeî. Agi lagi ahlena pet suma an hagi vuna kazina.

Jeremi 50:25

Ma didina mi mal vun gong mam mba mi ngom ahle suma sïna kuad’a woyo, mi buzugï ahle mam suma dur ayîna woi á tak ayî mam ma bibiliuna woyo. Salad’a Ma didin ma ad’engêm kal petna, nga mi le sun ndata yam ambasa hi suma Babilon-nid’a.

Jeremi 50:45

Kayam ndata, agi humugi zla d’a Ma didina mi ngat kurum yam suma Babilon-nid’a, agi humugi nga hur ma mi ngam kurum yam suma a nga kaka kur ambasa hi suma Babilon-nid’a. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.

Jeremi 51:56

Ma b’lak yina nga mi djï yam Babilon, grang matna a nga yoziya, agu yeû mazid’a nga d’i kus seyo. Kayam Ma didina nAlo ma mi we á sä atchugulina, nga mi wurak nge nge pî yam sun mam mba mi lata.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Habakuk 2:9

Ni zla d’a hohoud’a yam sama nga mi tok bege d’a mbut ira á mbut tam ad’engina, á sut tam mbei kur bur ma ndaka mba kama.