Jeremi 51:5 - Bible azumeina

⁵ Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Jeremi 51:5 Kruisverwysings

1 Amuleina 6:13

An mba ni kak kur gong nga wanda aduk Israel-lâ, an mba ni ar man suma Israel-lâ woi d’i.

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Isai 44:21

Ma didina mi dala: Agi Israel suma hi Jakob-ma, ar agi maragi d’i. Agi nazungeî mana, an minigi kayam agi kagagi azungeî mana. Agi Israel-lâ, an mba ni mar kagi d’i.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 14:9

Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Jeremi 46:28

Ma didina mi de kua ala: Agi suma hi Jakob-ma azungeî mana, agi lagi mandar ri, kayam an nga ki sed’egiya. An mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Jeremi 51:19

Wani ma ala ni ndjondjoîd’a hi Jakob-pa na, mi nga na d’i. Mam mi Ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Wana ni mbaktumba hi Oze-d’a 2:1

Ma didina mi de kua ala: Hina pet pî, Israel-lâ a mba zul d’igi les ma avun alum ma ngol ma sa ndak á ngam mboze á ndumum mbuo na na. Ata yima a mba dagi ala: agi nga ni sum mana d’uo na, a mba dagi ala: Agi nAlo ma bei matna groma.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 2:12

Ambas sa Juda-d’a mba d’i mbut ni vana hi Ma didinina yam ambas sa mam tinit irat vata. Jerusalem mba d’i mbut nazì ma ngol ma mam manama.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.