Jeremi 51:47 - Bible azumeina

⁴⁷ Kayam ndata, burâ nga mi mba, kur bur máma an mba ni mba á ngop filei ma tchet ma avo Babilon-na. Ambas mamba mba d’i mbut zulona ki zla tat pet, mat suma a tchazina pet a mba sam kä hur azina.

Jeremi 51:47 Kruisverwysings

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 23:34

Le ma djok vuna d’oze ma ngat buzuna d’oze sama lara ma nga mi dala: Wana ni zla d’a aneka hi Ma didinid’a ni, an mba ni mba, ni ngobom ki sum mama pet.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:18

Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Jeremi 51:52

Ma didina mi dala: Ni kayam ndata ba, burâ nga mi mba, kur bur máma an mba ni mba á ngop filei ma tchet ma Babilon-na. Suma kur ambas mambina pet a mba hum oîd’a hi suma a fe dakina.