Jeremi 51:43 - Bible azumeina

⁴³ Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Jeremi 51:43 Kruisverwysings

Sawal la giled’a 46:8

Ma didin ma ad’engêm kal petna mi nga ki sed’eya, Alona hi Jakob-ma ni yi mei ma ngeid’a. Tchol ndjö

Isai 13:20

Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 34:13

Azlupa mba d’i wul kur azì mat ma ngolâ. Kekerezeuna kaweid’a a mba deî kur azì mat ma ad’eng ma ngunguna, mba d’i mbut ni yima kaka hi hânina, mba d’i mbut ni yima kaka harigetina mi.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 50:12

Gola! Asugi ti mbut wa zulona, ta vud’ugid’a mba d’i mbut zulona abo gola, kayam mba d’i mbut nandjaf ma bugol andjafîna, mba d’i mbut ni fulâ, mba d’i mbut nandaga d’a so d’a gangrasa mi.

Jeremi 51:29

Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 51:62

Bugola, ang dala: Ma didina, ni ang ba de zlad’a yam yima wana ala a mba b’lagam mbeyo, ar sa d’oze d’uwar mi kak kua d’i, wani mi arî djona ki iram fafat.