Jeremi 51:34 - Bible azumeina

³⁴ Jerusalem ti dala: Nebukanezar amul Babilon-na mi kizagan ndeyo, mi b’lagan ndei mi. Mi mbud’un ni d’igi dei ma va nga kua d’uo na na, mi ni d’igi ambur ma a yum ala dragona na, mi ligin wa, mi hop wa hayam kahle man suma djivina, mi vinin wa woyo.

Jeremi 51:34 Kruisverwysings

Wana ni mbaktumba hi Job-pa 20:15

Nga mi lik ndjondjoîd’a, wani mba mi hulong vinit teyo; Alona mba mi yot tei kurumu.

Sawal la giled’a 74:13

Angî ma wal alum ma ngolâ woi kad’eng mangina, angî ma wak yam amburei suma nglo suma aduk mbina woina.

Zla d’a d’ogolâ 1:12

ei i ligizi karid’a d’igi yima azuleina nga mi lik suma ki tumbula na, d’igi suma a tchuk kä kur zulina na,

Isai 34:11

Bud’ufa ki tchetchema a mba hlad’u, iwiud’a ki gagauna a mba kak kuru, Alona mba mi ngat ki ziyo mam ma b’lak yina, blangât mba mi arî kä hawa kikid’ik.

Isai 42:22

Gola! Nandjaf suma a yozi ahligiyezi a hurumuzina. Azi pet ni suma a tchuguzi kä kur zulina, a nga ngeid’a kä kur gongîyo suma dangeina ata yima nduvunda. Azi mbut ni vama hurumba, wani sama prud’uzi woina nga d’i, a yozi ahligiyeziya, wani sama mi dala: A hulongôziziya na nga d’i.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:49

Ma djok vuna mi dala: D’igi Babilon ti tchi suma ablaud’a yam andagad’a pet na, ar ti puk kä yam tchi d’a ti tchi Israel-lîd’a na mi.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 2:16

Mak suma djangûna pet a nga mal vunazi á dak zla d’a tchod’a, a mba tchi feta, a mba et siyazi a dala: Ei b’lagat wa! Gagazi, wana ni bur ma ei tini huri kama! Ei mbei wa kuru, ei weizi wa mi!

Ezekiyel 36:3

Kayam ndata, ang djogozi vuna, ang dazi ala: Salad’a Ma didina mi dala: Gagazi, suma a min á b’lagagi woi ata yina pet, á ligigi mi, tala agi mbud’ugi nahlena handjaf suma dingâ agi mbud’ugi ni vama ndala ki vama ngula hi sumina mi d’a.

Wana ni mbaktumba hi Oze-d’a 8:8

Israel-lâ a b’lak wa woyo. Ki tchetchemba, azi nga aduk andjaf suma ni d’igi dei ma sa nga mi minim mbuo na na.

Amos 8:4

Agi suma nga tagi suma houd’ina, agi suma kid’eyêgi ir suma hohou suma kur ambasina, agi humugi zla d’a wanda.

Nahum 2:2

Agi suma Ninif-fâ, gola! Ma djangûna nga mi djï kagiya, agi gologi azì ma ad’eng ma ngunguna, agi tchologi ndjola avun lovota, agi djinigi furugi ad’enga, agi vagi tagi ad’enga ngingring mi.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [