Jeremi 51:33 - Bible azumeina

³³ Ma didin ma ad’engêm kal petna, Alona hi Israel-lîna, mi dala: Babilon ti ni d’igi ambid’ak ma a to awuna kuana na. Ar hina ndjö, yima duta nga mi mba kad’u!

Jeremi 51:33 Kruisverwysings

Isai 18:5

Avok ka bei yima feta ndaka, ata yima b’od’a yak keina, ata yima b’od’a ti tchuk vuta ti nena, a tchau abo guguzlud’a abot ma gurei ma kukulurâ kä woyo, a ka abo guguzlud’a abot ma sed’a, a tchugum kä woi andaga.

Isai 21:10

Agi man suma a togi woi d’igi sana mi to awuna kä ambid’ak na na, wana ni vama an humum avun Ma didin ma ad’engêm kal petna, Alona hi Israel-lîna, ni dagizi wana.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.

Wana ni mbaktumba hi Oze-d’a 6:11

Agi suma Juda-na, an nga ni nga yima ni ngobogi kuana mi.

Joel 3:13

Agi yogi mbaragum magid’a, agi zazi d’igi awu ma mi ne dana na. Agi mbeyegï mired’eziya, kayam yima miret guguzlud’a mi oî wa, zula nga d’i sulul kä woi mi. kayam asa’at mazid’a ti kal ngola heî.

Amos 1:3

Ma didina mi dala: Suma Damas-sâ a nga i avogovok kur tchod’a wan pî, an mba ni djok vunan yam zla d’a an data d’i. Kayam a miret suma Galät-na kä kasezi d’igi suma a to awuna ki toto d’a kaweina na.

Mise 4:12

Wani azi we nga djib’era hi Ma didinid’a d’i, a we nga nga hur mama d’uo mi. A we nga d’ala mi togoziya wa d’igi sana mi tok mbugulud’a kä ambid’ak na d’a d’i.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Habakuk 3:12

Ang nga ngui yam andagad’a kayî mang ma djulula, ang nga miret andjaf suma kä kayî mangâ.

Matiye 13:30

Agi arazi a wul djak, gak bur ma feta. Kur bur ma feta, an mba ni de mi suma feta ala: Agi i djagi barumba woi adjewe, agi djinigiziya, agi togot ngalat teyo, wani agi togogi awuna kur avir mana.

Matiye 13:39

Ma djangû ma yagatna ni diable; yima duta ni dabid’a hi duniyad’id’a; suma duta ni malaikana.