Jeremi 51:29 - Bible azumeina

²⁹ Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Jeremi 51:29 Kruisverwysings

Isai 14:16

Suma azulei suma a wangâ nga so irazi kang á gola, a nga golong baba, a dala: Wana ni sama giget andagad’a ma mbut leud’a mandara

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 50:13

Yam hur ma zala hi Ma didinina, a mba fe sama kak kurut tuo d’a. Ti mba d’i arî djona. Sama lara ma mba mi kal gevetna, mba mi le atchap, a mba tchi kukurup yam b’lak mata.

Jeremi 50:36

Ar a dur suma djok vun suma ka zlad’a, ar a mbut lilid’a. Ar a dur mazi suma gangrangâ, ar a mbut mandarâ.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 50:45

Kayam ndata, agi humugi zla d’a Ma didina mi ngat kurum yam suma Babilon-nid’a, agi humugi nga hur ma mi ngam kurum yam suma a nga kaka kur ambasa hi suma Babilon-nid’a. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 51:26

Ma didina mi dala: A mba fahina d’a djik gong kuruk kuo mi na, a mba fahina d’a gäd’u gong kuruk kuo mi. Ndak mba d’i arî djona ki irak fafat.

Jeremi 51:28

Agi togogi andjaf suma zlapa kamulei suma Mede-na, ki mazi suma nglona kamulei mazina pet, ki suma kur ambas sa azi te kata pet á durud’u.

Jeremi 51:37

Babilon mba d’i mbut ni d’igi ahina d’a mola na, mba d’i mbut ni domina hi hânina, mba d’i mbut ni vama atchapma ki vama sanda, sa mba mi kak kur ruo mi.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Amos 8:8

Ambasa mba d’i zlak yam zla ndata d’uo zu? Suma a nga kaka katna a mba tchi horâ d’uo zu? Ambas ndata mba d’i hop akulo d’igi alum ma ngolâ na, mba d’i hulong kä d’igi alum ma Nil-lâ na mi.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.