Jeremi 51:28 - Bible azumeina

²⁸ Agi togogi andjaf suma zlapa kamulei suma Mede-na, ki mazi suma nglona kamulei mazina pet, ki suma kur ambas sa azi te kata pet á durud’u.

Jeremi 51:28 Kruisverwysings

Ad’u Tinda 10:2

Jafet groma ba wana: Gomer, Magok, Madai, Javan, Tubal, Mesek ki Tiras.

1 Sunda Hamuleinid’a 1:5

Jafet groma ba wana: Gomer, Magok, Madai, Javan, Tubal, Mesek ki Tiras.

Ester 1:3

Kur biza mam mba hindi d’a nga mi tamulid’a, mi le te ma luna, mi yi mam suma nglona kazungeî mama ki azigar suma nglo suma Perse-na ki suma Mede-na ki suma simiyêzi nga mi yina ki suma a te yam ambasina mi.

Ester 10:2

Zla d’a ngad’a yam sib’ik mamba ki sun mam mba mi lata ki tin nda mi tin Mardose ngolid’a pet, a b’irizi nga kä kur mbaktum mba de zlad’a yam sunda hamulei suma Mede-na kamulei suma Perse-nid’a mi.

Isai 13:17

An mba ni zut suma Mede suma a nga djib’er yam kawei ma hap poze tazi nga lazi djivid’a yam lora d’uo na á kak djangûna ki sed’eziya.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

Jeremi 25:25

An hum mamulei suma Zimri-na, mamulei suma Elam-ma kamulei suma Mede-na pet mi.

Jeremi 50:41

Gola! Suma yam ambas sa abo ma norîd’a a nga djïya. Nandjaf ma ngolâ kamulei suma sib’ik suma a tcholï avun dabid’a handagad’ina.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 51:29

Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Daniel 6:1

Dariyus mi nga hurum á wal leu mamba kä ad’u kis yam dok mbà á tin suma nglo suma a yazi ala satrap-ma kat gagang pet mi.

Daniel 6:8

Ki tchetchemba, amulâ, ar ang tin gat ndata, ar ang tin abong kua tala ti ka’î gat ta bei sa mi ndak á mbud’ut kä ba d’a d’igi gata hi suma Mede-nid’a ki d’a hi suma Perse-na na d’a.

Daniel 8:20

Gamlâ ma ang wum ma adivim mbàna azi namulei suma Mede-na kamulei suma Perse-na.

Daniel 9:1

Kur biza d’a avok ka Dariyus Asuwerus gorom ma ad’u andjafâ hi suma Mede-na mi kak amula yam suma Babilon-nid’a,