Jeremi 51:20 - Bible azumeina

²⁰ Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Jeremi 51:20 Kruisverwysings

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

Jeremi 25:11

Ambas ndata ki zla tat pet mba d’i mbut ni djona, suma a mba le atchap kad’u, andjaf sum ndazina a mba le sunda mamul ma Babilon-na gak bizad’a dok kid’iziya.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 50:23

Ni me mama na ge? Babilon ni marto d’a ti to suma yam andagad’ina woid’a. Gola! Ti to wa woi kikizek, ti mbut wa djona aduk suma. Na ni gagazi zu?

Ezekiyel 21:11

Ang gor sana, ang mbut tang hohoud’a yam hurung ma b’la’â, ang zam tang avok suma pet.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Mise 4:12

Wani azi we nga djib’era hi Ma didinid’a d’i, a we nga nga hur mama d’uo mi. A we nga d’ala mi togoziya wa d’igi sana mi tok mbugulud’a kä ambid’ak na d’a d’i.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Nahum 2:1

Gola! Sama mi tchi wal zla d’a djivi d’a b’leng nga halasina, asem nga mi tchï akulo yam ahuniyôna. Agi suma Juda-na, agi luwugi vun til magina, agi ndagagi vun vama agi hlagi vunagi kama, kayam ma asa’atna mba mi kal adigagi d’uo d’a, a hlum wa woi ki iram fafat.

Zakari 10:4

Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.