Jeremi 51:16 - Bible azumeina

¹⁶ Ata yima mi he vunina, mbina mi tok kur akulod’a. D’ugula ti tcholï avun dabid’a handagad’id’a teteng. Wiled’a nga d’i wile á salona, simetna mi buzugï woi ata yam ma ngei ahlena mi.

Jeremi 51:16 Kruisverwysings

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

Wana ni mbaktumba hi Job-pa 37:13

á gat suma yam andagad’ina, d’oze á tak djivi mamba woi abu mi.

Wana ni mbaktumba hi Job-pa 38:22

Ang kal gak i ata yima a ngom nesâ kuana zu? Ang we yima a ngom mogoina kua

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 104:7

Kid’a ang ngobomba, mi ringâ, mi b’at tam á ring abo breî manga.

Sawal la giled’a 135:7

Nga mi ka d’ugula akulo avun dabid’a handagad’id’a, nga mi wile á se alona, nga mi buzugï simetna woi ata yi mam ma ngei ahlena.

Sawal la giled’a 147:18

Nga mi de zlad’a, a nga lau woyo, mi le simetna, mbina mi djang mi.

Sawal la giled’a 18:13

Ata yi máma d’ugula b’rau woi abo wile mamba, mogoina kakud’a ki gordjona a yak kä.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Sawal la giled’a 78:26

Mi he vuna mi simet ma abo ma yorogona ala mi sir kur akulod’a, kad’eng mamba mi mba ki simet ma abo ma sutna.

Buzuk ka Abud’a 10:13

Moise mi hle totogo mamba akulo yam ambas sa Ezipte-d’a. Ma didina mi mbeï ki simet ma abo ma yorogonina yam ambasa. Simet ma abo ma yorogo máma, mi tin sira kur bur máma gak tcha avin yorogo, mi mba ki djera.

Buzuk ka Abud’a 10:19

Ma didina mi mbeï ki simet ma ngol ma abo ma fladegenina, mi tor djera atogo zak, mi kottcha kä kur alum ma ngol ma Tchereuna. Kur ambas sa Ezipte-d’a pet djer tu pî ti ar nga d’i.

Buzuk ka Abud’a 14:21

Ata yi máma Moise mi hlabom akulo yam alum ma ngolâ. Ma didina mi keng mbina woi ki simet ma ad’eng ma abo ma yorogo ma sir kur andjege ndatina; mi so alum ma ngolâ woyo, mi wal mbina woi aduk mbà.

Ezekiyel 10:5

Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na.

Amos 9:7

Ma didina mi dala: Agi Israel-lâ, agi iran ni d’igi suma Etiyopi-na na d’uo zu? Ni an ba ni buzugugï woi yam ambas sa Ezipte-d’a d’igi an buzugï suma Filistê-na woi Kaftor na, d’igi an buzugï suma Siri-na woi Kir na mi d’uo zu?

Jonas 1:4

Wani Ma didina mi tchol ki simet ma ngolâ mi sir yam aluma; abil ma ngolâ mi giget batod’a, ti ar go á kusa.

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!