Jeremi 51:13 - Bible azumeina

¹³ Ndak Babilon nda nga kaka avun mbiyo ma nglonid’a, ndak ka tok ndjondjoîd’a ngola avo hataka, zlak dap da’, d’od’ok maka dap wa mi.

Jeremi 51:13 Kruisverwysings

Ad’u Tinda 6:13

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Sawal la giled’a 137:1

Kid’a ami kagami avun aluma sä Babilon-nda, ami tchimi kurumi krovo á djib’eremi yam Siyon.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 45:3

An mba ni hang ndjondjoî d’a nga ngeid’id’a ki ndjondjoî d’a nga ngei d’a gumunda tala ang wala ni an Ma didina Alona hi Israel-lâ ma mi yang ki simiyêngâ d’a.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 50:31

Salad’a Ma didin ma ad’engêm kal petna mi dala: Gola! Ndak Babilon nda subur tak heîd’a, gola! An nga ni iza atagu, kayam bur ma’â mi mba da’, ni yima an ngobok kuana.

Jeremi 50:37

Ar a dur akulumei mazina ki pus mazi ma dur ayîna, ar a dur suma pet suma a yozï ad’u andjafâ teteng suma a nga kurutna, ar a mbut aropma. Ar a dur mazi suma ndjondjoîna, a hurumuziya.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Hor ma tchina 4:18

A nga tchid’i aseya, ei ndak á tchei blangeîna d’i. Dabi meid’a mba wa go, bur meina ndak wa... Dap kei da’!

Daniel 5:26

Ad’ut ta ved’a ba wana: MENE ad’ut nala Ndumba: Alona mi ndum kak mang nga amula, mi dabat mi.

Amos 8:2

Mi djobon ala: Amos, ang we ni me ge? An hulong ni dum ala: An we gagalagad’a ki vud’agu ma ned’a kuru. Ma didina mi hulong dan ala: Dabid’a mba wa yam man suma Israel-lâ da’, an mba ni vat hurun ndei yam tcho mazid’a d’uo d’a.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.