Jeremi 51:1 - Bible azumeina

¹ Ma didina mi dala: Gola! An nga ni tchol ki simet ma b’lak yina yam azì ma Babilon-na, yam suma a nga kaka kuruma mi.

Jeremi 51:1 Kruisverwysings

2 Amuleina 19:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Sawal la giled’a 137:8

Ndak Babilon, ndak ka a nga b’lagak keid’a, sama mba mi lak tcho d’a ndak lamizi mi amid’ina, mi le furîd’a!

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 14:14

An mba ni djak akulo yam d’ugula yat ta dabid’a, an mba ni mbut d’igi Ma sä akulo ma kal teglesâ na.

Isai 21:1

Wana ni zla d’a a dat yam hur ful ma avun alum ma ngolîd’a: D’igi mbirlimba ti kal abo ma sutna na, ma djangûna mi tcholï yam ambas sa ti mbut suma mandarîd’a, nga mi djï hur fulâ.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Jeremi 23:19

Jeremi mi dala: Gola! Babar ma ngolâ nga mi djïya. Nayî ma bibiliuna hi Ma didinina, mi nga mi sir yam suma asa’atna.

Jeremi 49:36

An nga ni mba ki simetna fid’i ma abo ma fid’i ma avun dabid’a hakulod’ina yam suma Elam-ma. An mba ni ndjoyôzi woi ki simet máma pet, andjaf ma mba ba bei fe suma Elam-ma kuana nga d’i.

Jeremi 50:21

Ma didina mi dala: Agi tchologiya, agi i durugi ambas sa Meratayim-mba, agi durugi suma a nga kaka Pekot-na, agi dabazi woyo, agi b’lagazi ahle mazi suma blogozina woi kakazeî. Agi lagi ahlena pet suma an hagi vuna kazina.

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:33

Ma didin ma ad’engêm kal petna mi dala: Israel-lâ ki suma Juda-na, a djobozi vunazi nabo tazi tu. Suma a yozi magombina a vazi kä ndinding, a min tchuguzi akulo d’i.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Jeremi 51:60

Jeremi mi b’ir ndak ka mba d’i mba yam Babilon-nda kä kur mbaktumba pet, nala, zla d’a pet ta mi b’irit kä yam Babilon-nda.

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.

Wana ni mbaktumba hi Oze-d’a 13:15

Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?