Jeremi 50:9 - Bible azumeina

⁹ Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 50:9 Kruisverwysings

2 Samuel 1:22

Suma a duruzi mbuleinina, buzuwazi mi djang ngeyo, suma gangrangâ mbuluzi mi puk keyo, kayam yeûd’a hi Jonatan-nda nga d’i kal mblok ki, kayam mbigeu d’a fiyaka hi Saul-la nga d’i ba hawa d’uo mi.

Sawal la kal teglesa 3:8

Azi pet ni suma a nga ki mbigeu d’a fiyaka abozina, ni suma a hat dur ayîna heîna. Nge nge pî mi djin mbigeu mamba ir tchugulum á d’el vama tcho ma mi mba andjegena.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 41:25

An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Jeremi 15:14

An mba ni he lovota mi magi suma djangûna á i ki sed’egi magomba kur ambas sa agi wat nga yagi tu d’uo d’a, kayam ayî mana mi fo wa akud’a, mba mi ngalagi woyo.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

Jeremi 25:26

An he kop ma süm máma mamulei suma abo ma norâ pet suma gogona ki suma dedeina. Azi pet a mba tche süm ma ayî ma nga kur kop mámina yam taziya, yam tazi kur leu d’a yam andagad’a ka hî d’a. Ma mba mi tchum bugol kisâ namul ma Sesa’â.

Jeremi 50:14

Agi suma yet yeûd’a pet, agi ndjaragi á dur suma Babilon-na, agi nguyugizi kä d’uhl, agi yed’egiziya, agi arazi bei yeta ki yeûd’a d’i, kayam azi le tchod’a avok Ma didina.

Jeremi 50:21

Ma didina mi dala: Agi tchologiya, agi i durugi ambas sa Meratayim-mba, agi durugi suma a nga kaka Pekot-na, agi dabazi woyo, agi b’lagazi ahle mazi suma blogozina woi kakazeî. Agi lagi ahlena pet suma an hagi vuna kazina.

Jeremi 50:26

Agi mbeyegï ata yina pet durud’u, agi malagi vun avurei matna woyo, agi yogi ahle matna, agi mologizi d’igi suma a mol mbugulud’a na. Agi b’lagagizi woi kakazeî, agi aragi va kurut tu d’i!

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.