Jeremi 50:46 - Bible azumeina

⁴⁶ Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Jeremi 50:46 Kruisverwysings

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 46:12

Andjaf suma a hum yam zulo ma’â. Tchi ma’â mi b’rau wa woi yam andagad’a pet, kayam ma dur ayîna mi dap tam ki ndrama, azi djak a puk kä.

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 49:21

Andagad’a mba d’i giget abo siwel la yam puk mazid’id’a, tchi mazina mba mi i gak nde sä woi avun alum ma ngol ma Tchereuna.

Jeremi 51:29

Andagad’a ti giged’a, ti zlak mi, kayam nga hurâ hi Ma didina ma mi ngam yam Babilon-na, mi ndak wa. Mi mbut wa ambas sa Babilon-nda djo ma bei sa mi kak kua ba na.

Jeremi 51:54

Ma djok vuna mi dala: A mba hum del la tchina avo Babilon, ni siwel la yam b’lak ka ngol la ti tcholï yam ambas matid’a.

Ezekiyel 26:18

Ki tchetchemba, suma kur tilina a nga zlak yam puk manga, suma kur til la kur alum ma ngolîd’a a nga le mandarâ yam b’lak mang nga woid’a.

Ezekiyel 27:28

Abo tchina hi suma djang batod’ina, suma avun gongôd’id’ina a mba zlak abo mandarâ.

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Ezekiyel 32:10

An mba ni tinizi á zlak kangû. Fata an hle mbigeu man nda fiyaka akulo avorozid’a, amulei mazina mandarâ mba mi lazi kangû. Fata an ni gang kä d’a, nge nge pî adigazi mba mi zlak abo mandarâ yam ari mamba ata yima lara ge pet.