Jeremi 50:39 - Bible azumeina

³⁹ Ni kayam ndata ba, amburei suma abageina ki hâna a mba kak kua, arigeta mba d’i min aziyat kua mi. A mba fe sama kak kur ruo atchogoid’a katchogoid’a, sa mba mi kak kur ruo gak didin mi.

Jeremi 50:39 Kruisverwysings

Isai 14:23

Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Jeremi 51:26

Ma didina mi dala: A mba fahina d’a djik gong kuruk kuo mi na, a mba fahina d’a gäd’u gong kuruk kuo mi. Ndak mba d’i arî djona ki irak fafat.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.