Jeremi 50:38 - Bible azumeina

³⁸ Ar krena mi ve yam mbiyo mazina, mi sid’am mbeyo, kayam Babilon nambas sa tuwal fileina. A mbut lilid’a abo filei mazina.

Jeremi 50:38 Kruisverwysings

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Isai 44:27

An nga ni de mi mbiyo ma galileina ala: Ang so woyo, an nga ni song mbiyong ngeyo.

Jeremi 50:12

Gola! Asugi ti mbut wa zulona, ta vud’ugid’a mba d’i mbut zulona abo gola, kayam mba d’i mbut nandjaf ma bugol andjafîna, mba d’i mbut ni fulâ, mba d’i mbut nandaga d’a so d’a gangrasa mi.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:47

Kayam ndata, burâ nga mi mba, kur bur máma an mba ni mba á ngop filei ma tchet ma avo Babilon-na. Ambas mamba mba d’i mbut zulona ki zla tat pet, mat suma a tchazina pet a mba sam kä hur azina.

Jeremi 51:52

Ma didina mi dala: Ni kayam ndata ba, burâ nga mi mba, kur bur máma an mba ni mba á ngop filei ma tchet ma Babilon-na. Suma kur ambas mambina pet a mba hum oîd’a hi suma a fe dakina.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Sunda hi suma a sunuzinid’a 17:16

Kid’a Paul nga mi djubuzi Aten tua d’a, hurum zal ngola heî, kayam mam we azì ma ngol máma mi nga oîd’a ki fileina.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Suma ka sariyad’a 6:30

Ata yi máma suma kur azì ma ngolîna a de mi Jowas ala: Ang ndeï ki gorongâ woi abua, ami tchumu. Kayam mi pleî yima ngal ahle suma ngat buzuna hi Bäl-lâ woyo, mi kus aguna hi Asera ma nga ped’a kuana woi mi.