Jeremi 50:29 - Bible azumeina

²⁹ Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:29 Kruisverwysings

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Jeremi 50:26

Agi mbeyegï ata yina pet durud’u, agi malagi vun avurei matna woyo, agi yogi ahle matna, agi mologizi d’igi suma a mol mbugulud’a na. Agi b’lagagizi woi kakazeî, agi aragi va kurut tu d’i!

Jeremi 50:32

Ta subur tata mba d’i ka azlard’eid’a, ti puk kä. Sama mba mi tcholot akulona nga d’i. An mba ni do azì mat ma nglona akud’a, mba d’i ngal yima nguyutna woi pet mi.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Jeremi 51:3

Ar agi ndirigi yeûd’a ata sama nga mi ndir yeûd’a á yetina, ar agi yed’egi sama mi tin hurum yam kongrong mamina. Agi aragi azungeî matna d’i, agi tchagi azigar matna woi kakaf.

Jeremi 51:49

Ma djok vuna mi dala: D’igi Babilon ti tchi suma ablaud’a yam andagad’a pet na, ar ti puk kä yam tchi d’a ti tchi Israel-lîd’a na mi.

Jeremi 51:56

Ma b’lak yina nga mi djï yam Babilon, grang matna a nga yoziya, agu yeû mazid’a nga d’i kus seyo. Kayam Ma didina nAlo ma mi we á sä atchugulina, nga mi wurak nge nge pî yam sun mam mba mi lata.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 3:64

Ma didina, ang lazi d’igi azi lan an na mi.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.