Jeremi 50:27 - Bible azumeina

²⁷ Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 50:27 Kruisverwysings

Wana ni mbaktumba hi Job-pa 18:20

Suma abo ma fladegena a mba le atchap yam b’lak mamba, suma abo ma yorogona a mba le mandarâ mi.

Sawal la giled’a 22:12

Ang wal lei dei ki sed’en ndi; ki tchetchemba, an nga go avun bad’a, wani sama mba á ndjununa nga d’i.

Sawal la giled’a 37:13

Wani Salad’a nga mi san ad’umu, kayam mam we bur mam ma dabid’a nga mi mba.

Isai 21:12

Ma ndjola mi hulong humba ala: Yorogod’a nga d’i mba, wani andjeged’a ti nga tua. Le agi min humba ni, agi mbeyegï bur ma dingâ.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 34:7

Avünda kamuzleina kamuzlei digilina a mba puk kä ki sed’eziya, andagad’a ti mba d’i ka guruta abo buzuna, andaga d’a gugud’upa ti mba d’i ras ki mbulâ mi.

Jeremi 12:3

Ma didina, ang wanu, ang golon mi. Ang halan hurunu, an nga go ki sed’engû. Ar ang yozi woi d’igi suma a yo tumiyôna a izi á ngata na, ar ang tinizi irazi vazi yam bur ma tchid’a.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 48:10

Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Jeremi 48:15

An amul ma simiyên ala Ma didin ma ad’engên kal petna na ni dala: Azì ma Mowap-ma, a nga b’lagam mbeyo, azì mam ma nglona nga mi d’us andosâ, azungeî mam suma gangrangâ, a nga izi ata yima ngata mi.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 50:31

Salad’a Ma didin ma ad’engêm kal petna mi dala: Gola! Ndak Babilon nda subur tak heîd’a, gola! An nga ni iza atagu, kayam bur ma’â mi mba da’, ni yima an ngobok kuana.

Jeremi 51:40

An mba ni i ki sed’ezi ata yima ngata d’igi a i ki gro tumiyôna na, d’igi a i gamlâna ki mbekmberena na mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!

Vama ndum mbeina 19:17

An we malaikana mi nga tchola aduk afata, mi de ki delem akulo ala: Agi aluwei suma pirigi akulo aduk simetnina pet, agi mbeyegïya, agi togogï ata te ma ngolâ hAlonina,