Jeremi 50:25 - Bible azumeina

²⁵ Ma didina mi mal vun gong mam mba mi ngom ahle suma sïna kuad’a woyo, mi buzugï ahle mam suma dur ayîna woi á tak ayî mam ma bibiliuna woyo. Salad’a Ma didin ma ad’engêm kal petna, nga mi le sun ndata yam ambasa hi suma Babilon-nid’a.

Jeremi 50:25 Kruisverwysings

Sawal la giled’a 45:3

Ang djif mangâ kal suma pet. Zla d’a sumad’a nga d’i buzuk kei avunangû. Ni kayam ndata ba, Alona mi b’e vunam kang ki iram fafat.

Sawal la giled’a 45:5

Ki subur manga, ang nga yam akulum mangâ. Ni yam gagazid’a ki lulumad’a ki d’ingêra ba, ang nga kus ayîna, ni kad’eng manga ba, ang mba hle bangâna.

Isai 13:15

Suma pet suma a mba fazina, a mba tchogizi hayaziya; suma a mba yozina pet, a mba tchazi ki mbigeu d’a fiyaka mi.

Jeremi 50:15

Agi nguyugizi ki sor ra ayîna. A nga bar aboziya, aziyazi nga mi dris kä, gulumun mazina nga mi to kä woyo, kayam ni bur ma sä atchugula hi Ma didinina. Agi sagi atchugula ki sed’eziya! Agi lazi d’igi azi ladjeu na mi!

Jeremi 51:20

Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 51:55

Kayam Ma didina nga mi b’lak Babilon ndeyo, nga mi seng vunazi ma tchi wü na. Suma b’lak yina delezi nga d’i b’ik kä b’ib’ik d’igi abilâ halum ma ngolîna vunam nga mi tchi wü na.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Vama ndum mbeina 18:8

Kayam ndata, tugud’ei d’a tcho d’a a nga ngomota, mba d’i tumut bur tu. Tugud’eid’a, yor tad’a ki baktarad’a, a mba ngalat tei kakud’a, kayam Salad’a Alo ma ad’engêm kal petna mi kat sariyad’a kat da’.