Jeremi 50:20 - Bible azumeina

²⁰ Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Jeremi 50:20 Kruisverwysings

Sawal la giled’a 103:12

Mi wal tcho mei d’a led’a woi dei ki sed’ei d’igi mi wal abo ma yorogona kabo ma fladegena woi na mi.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Sawal la giled’a 85:3

Ang hle tchod’a hi sum mangîd’a woyo, ang vat hurung ngei yam tcho mazid’a pet mi. Tchol ndjö

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 10:21

Suma a arâ a mba mba; gagazi, suma hi Jakob suma a arâ a mba mba ata Alo ma ad’engêm kal petna.

Isai 33:24

Sama nga kaka kurut ma mba mi dala: Tugud’eid’a lanu na nga d’i. Suma a nga kaka kur Jerusalem-ma pet, Alona mba mi vat hurum mbei yam tchila mazid’a mi.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Jeremi 33:8

An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi.

Jeremi 44:14

Aduk suma Juda suma a ar suma a mba Ezipte á kak ka hî suma a nga huruzi á hulong yam ambas sa Juda-d’a á kak sä kuana, sa mba hulong ngi, ni suma tutu suma a mba sutna hol.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Ezekiyel 18:22

Sun nda tcho d’a mi lata pet a mba ndumumzi kam mbi, mba mi kak karid’a yam d’ingêr ra nga mi tit kata.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Romê-na 5:16

He d’a hawad’a hAlonid’a ti nga ni d’igi tchilad’a hi sama tu mámid’a na d’i. Sariya d’a kad’a ti mba ni yam tchilad’a hi sama tu mámid’a, wani he d’a hawa d’a ti mba bugol tchila d’a ablaud’id’a, ti pat zlad’a woi yam suma.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

2 Pierre 3:15

Agi djib’eregi ala ve tad’a hi Saleinid’a ni sut magid’a d’igi wiyei ma od’a Paul mi b’irigizi kur ne d’a Alona mi humzid’a na.