Jeremi 50:14 - Bible azumeina

¹⁴ Agi suma yet yeûd’a pet, agi ndjaragi á dur suma Babilon-na, agi nguyugizi kä d’uhl, agi yed’egiziya, agi arazi bei yeta ki yeûd’a d’i, kayam azi le tchod’a avok Ma didina.

Jeremi 50:14 Kruisverwysings

2 Samuel 10:9

Kid’a Jowap mi we d’ala ayîna mba mi dur ini navogom ki blogom mi d’a, mi man Israel suma a we durîna, mi ndjarazi ir suma Siri-na.

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Isai 13:4

Agi humugi siwel la yam ahuniyôna ndata, ni d’igi ablau suma a to’â na. Agi humugi sora handjaf suma a tcholï kur leud’a teteng a tok ndazina. Ma didin ma ad’engêm kal petna nga mi kal á gol b’rang nga nga d’i i á dur ayînid’a.

Isai 5:28

Sï yeû mazid’a nga d’i wile, azi pet a tin nga yeû mazid’a ata aguwat á yeta, abo akulumei mazina mad’enga d’igi ahina sasana na, abo pus mazi ma dur ayîna mi parî d’igi mbirlimba na.

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Jeremi 49:14

An hum zlad’a tcholï avun Ma didina. Mi ge sunda aduk suma ala: Agi togogïya, agi mbeï durugi suma Edom-ma. Agi tchologi akulo á dur ayîna!

Jeremi 49:35

Ma didin ma ad’engêm kal petna mi dala: Gola! An nga ni kus agu yeûd’a hi suma Elam-ma d’ala nad’eng mazid’a d’a woyo.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 51:2

Gola! An nga ni sun suma sir ahlena yam Babilon, a mba sirit teyo, a mba dap ahlena woi kur ambas mata. Suma a mba tcholï abo yina pet, a nde kat kur bur mat ma ndaka.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 51:3

Ar agi ndirigi yeûd’a ata sama nga mi ndir yeûd’a á yetina, ar agi yed’egi sama mi tin hurum yam kongrong mamina. Agi aragi azungeî matna d’i, agi tchagi azigar matna woi kakaf.

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

1 Samuel 17:20

Ki yorogo tcholola David mi tchola, mi ar ahok mama abo sama pol ma dingâ, mi yo ahle ndazina, mi le d’igi abum Jesse mi dum na. Ata yima mi mbaza kur kangîna, azigarâ a nga i ndjara á dur ayîna, a nga sor sor ra dur ayîna.