Jeremi 50:12 - Bible azumeina

¹² Gola! Asugi ti mbut wa zulona, ta vud’ugid’a mba d’i mbut zulona abo gola, kayam mba d’i mbut nandjaf ma bugol andjafîna, mba d’i mbut ni fulâ, mba d’i mbut nandaga d’a so d’a gangrasa mi.

Jeremi 50:12 Kruisverwysings

Isai 14:22

Ma didin ma ad’engêm kal petna mi dala: An mba ni tchol akulo, ni kak djangûna ki suma Babilon-na, an mba ni tchat simiyêt teyo, an mba ni blazat tei kandjaf suma kurutna pet. An Ma didina ni de na.

Isai 23:13

Gol ambas sa suma Kitim-ma a mba a kak kua d’a ki tchetchemba suma a nga kurut tuo d’a. Suma Asiri-na a arat mazurei suma abageina, a min yima fiyak ma ndjola teteng nguyud’u, a to azì ma fiyak ma ndjola hi suma Tir-râ woyo, a b’lagam mbei kakazeî.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 15:9

Gro yogod’a kid’iziya suma tchazina asuzi ti nde tcha tata abo hur ma hata, ti seyâ, ti mid’a, afat mata ti nik kä ni falei tua, kayam ni vama zulona kad’u, blangât mi sil lei mi. Suma a arâ, an mba ni hazi abo mazi suma djangûna, a mba tchazi woi avun ayîna mi.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 25:26

An he kop ma süm máma mamulei suma abo ma norâ pet suma gogona ki suma dedeina. Azi pet a mba tche süm ma ayî ma nga kur kop mámina yam taziya, yam tazi kur leu d’a yam andagad’a ka hî d’a. Ma mba mi tchum bugol kisâ namul ma Sesa’â.

Jeremi 49:2

Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Jeremi 51:43

Azì mat ma nglona mi mbut wa djona, ti mbut wa ambas sa so d’a gangras sa hur fulîd’a, nambas sa sa nga mi kak kua d’oze sa nga mi kal kua d’uo d’a!

Jeremi 51:47

Kayam ndata, burâ nga mi mba, kur bur máma an mba ni mba á ngop filei ma tchet ma avo Babilon-na. Ambas mamba mba d’i mbut zulona ki zla tat pet, mat suma a tchazina pet a mba sam kä hur azina.

Galat-na 4:26

Wani Jerusalem mba akulod’a ni gor vuta, ndat nasuya.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.