Jeremi 50:10 - Bible azumeina

¹⁰ Ma didina mi dala: An mba ni he suma Babilon-na abo suma á hurumuziya; suma a mba hurumuzina a mba hoba.

Jeremi 50:10 Kruisverwysings

Isai 33:23

A but ziyo ma’â woi da’, a nga ve ziyo ma kak akulo ata agunina kä ngingring nguo d’a, a nga b’eng barud’a woi akulo kak kuo mi. Ata yi máma a mba b’rau ahle suma ablau suma a hurumuzï avun ayînina, suma dileîd’a pî a mba fe b’rau mazid’a kur ahle ndazina mi.

Isai 33:4

Agi andjaf suma, a mba b’lagagi ahle magi suma agi hurumuzina d’igi djera ti b’lak ahlena woi na. A mba b’at tazi kazi d’igi djera ti b’at tat á tahlena na mi.

Isai 45:3

An mba ni hang ndjondjoî d’a nga ngeid’id’a ki ndjondjoî d’a nga ngei d’a gumunda tala ang wala ni an Ma didina Alona hi Israel-lâ ma mi yang ki simiyêngâ d’a.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 50:26

Agi mbeyegï ata yina pet durud’u, agi malagi vun avurei matna woyo, agi yogi ahle matna, agi mologizi d’igi suma a mol mbugulud’a na. Agi b’lagagizi woi kakazeî, agi aragi va kurut tu d’i!

Jeremi 50:37

Ar a dur akulumei mazina ki pus mazi ma dur ayîna, ar a dur suma pet suma a yozï ad’u andjafâ teteng suma a nga kurutna, ar a mbut aropma. Ar a dur mazi suma ndjondjoîna, a hurumuziya.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Jeremi 51:35

Suma nga kaka Siyon-na a dala: Ar murud’um mba a leizi ateid’a, ti hulong yam suma Babilon-na! Suma Jerusalem-ma a dala: Ar buzuwei ma djang ngeina, mi hulong yam suma a nga kaka Babilon-na!

Ezekiyel 11:24

Muzu’â mi hlan mi i ki sed’en Babilon gen suma a yozi magombina kur vama Muzu’â hAlonina mi ndandji woi irana. Ata yi máma vama nde tam mbei iran máma mi vit iranu.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.