Jeremi 5:8 - Bible azumeina

⁸ Azi ni d’igi akulumei andjof suma tchuka akulo suma d’or suma a nga breî á hal aropma hi ndrozinina na.

Jeremi 5:8 Kruisverwysings

Ad’u Tinda 39:9

Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

Wana ni mbaktumba hi Job-pa 31:9

Le hurun mi le d’od’oka katcha d’a dinga, le an i ni bur kä avun azina hi ndranina ni,

Buzuk ka Abud’a 20:14

Ar ang le mizeuna d’i.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Zla d’a d’ogolâ 6:29

Sama mi kal ad’u atchad’a hi ndramid’a, mi hle tamî hina dedege; sama lara ma mi dotna, zlad’a nga d’i ba bei vum mbi.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 23:10

Suma le mizeuna a oî kur ambasa. Kayam ndata, ambasa ti nga kur yor tad’a, hat ma abagei hur fulîna mi so woi mi. Kayam suma a nga b’at tazi á le tchod’a, a ve tazi ad’enga ná le sun nda ata yat tuo d’a hol.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Ezekiyel 22:11

Nge nge pî nga mi le sun nda ndjendjed’a katchad’a hi ndramid’a kurungû, nge nge pî nga mi le sun nda ndjendje d’a ata yat tuo d’a kakunom mba goroma amambid’a kurungû, nge nge pî nga mi b’lak wiyem mba abum gorombid’a kurungû.

Gat ta a hat á mbàd’id’a 5:18

Ar ang le mizeuna d’i.

Gat ta a hat á mbàd’id’a 5:21

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.