Jeremi 5:6 - Bible azumeina

⁶ Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 5:6 Kruisverwysings

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Esdras 10:10

Ma ngat buzuna Esdras mi tchol akulo mi dazi ala: Ata yima agi vigigi andjaf gro arop suma dingîna, agi lagi tchod’a, agi mbud’ugi Israel-lâ tchod’a kal la avoka.

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Wana ni mbaktumba hi Job-pa 10:16

Le an ve tan á hle yan akulo ni, ang nga nduwanan d’igi azlona mi nduwan azarâ na. Ang nga ton kahle suma atchapma kua d’ei!

Sawal la giled’a 104:20

Ang le nduvunda; ni ndata ba, andjeged’a nga; ni kur nduvun ndata ba, ahle suma abageina a yo tita.

Sawal la giled’a 80:13

Ni kayam me ba, ang hulut kang matna kayambala suma a kalâ pet a hurumud’u d’a ge?

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Jeremi 30:15

Ni kayam me ba, agi tchigi yam dak magid’a, yam mbil magi ma nga mi tchil luo na ge? Ni kayam tcho magi d’a zul heîd’a ki tcho magi d’a ngola ba, an ar ahle ndazina a lagi ni na.

Jeremi 30:24

Ma didina nga mi i avogovok kayî mam ma bibiliuna á ndak vun ahlena pet suma mam nga hurum kazina. Bur tu agi mba wagi ad’ud’a woi tetet.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 8:5

Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Jeremi 8:7

Taglar ma akulona pî, mi we yi mam ma id’a, gugu peled’a, ababeina kalei grifâ a nga ngom yi mazi ma azi nga mba kuana, wani sum mana a we nga gata hi an Ma didinid’a d’i.

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Ezekiyel 16:25

Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 23:19

Wani ti nga d’i i avogovok ki gaulang matna, nga d’i djib’er yam bur ma ndat nga ki gogorot kid’a ndat nga d’i le gaulangâ avo Ezipte-d’a.

Daniel 7:4

Ma avo’â mi hle tam d’igi azlona na, wani mi nga ki gigingâ d’igi ma hi b’arunina na. Kid’a an nga ni golom tua d’a, a pad’am gigingâm mbeyo, a hlum akulo woi yam andagad’a, a tcholom akulo kasem d’igi sana na, a hum djib’era hi sanid’id’a mi.

Daniel 7:6

Bugola, an nga ni gola, gol wani, ambur ma dingâ mi hle tam d’igi sindilâ na, wani gigingâ haleinina fid’i nga huyogomu. Ambur máma mi nga ki yamba fid’i, a hum ad’enga á te yamba mi.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Habakuk 1:8

Akulumei mazina a djang kal bolina, ayî mazina kal ngû ma meid’a nga d’i tchum fladegena. Suma djang akulumei mazina a tcholï nata yima deina, a nga pir akulo, a pirî d’igi b’aru ma sir asem kä á ve vanina na.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Ndumba 32:14

Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

Vama ndum mbeina 13:2

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.