Jeremi 5:3 - Bible azumeina

³ Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 5:3 Kruisverwysings

Ad’u Tinda 19:34

Wani tcha ndjivinda, d’a ngola ti de d’a gora ala: Ndak gola! An bur kama andjege ki Iba; ei hum süm ma ayîna ini andjege kua, ndak i bur ki sed’em mi, kayam ei djogom andjavamu.

1 Amuleina 13:33

Bugol ahle ndazina hina pet pî, Jerobowam mi ar nga tcho mam mba led’a d’i, nga mi i avogovogo, mi man suma ngat buzu suma dingâ ata yima ndingâ. Le sana mi min á le sun ndata ni, mam tinim iram vamu, mi mbud’um ma ngat buzuna ata yima ndingâ.

2 Amuleina 1:13

Á hindid’a amulâ Ahaziya mi sun ma ngol ma ding ma azigarâ abom dok vahlâ ki mam suma dok vahlâ. A djak akulo yam ahinad’a. Ata yima a mbaza go ki Elie-na, ma ngol máma mi tchuk guguvam kä avok Elie, mi tchenem ki hud’a ala: Ma djok vun Alona, ang tchan ki man suma dok vahlâ d’i; ami ni d’igi azungeî mangâ na.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Sawal la giled’a 51:8

Wani vama ang minim ata sanina ni ge yam mba kä ki gagazid’id’a. Kur djib’er man nda kurun krovod’a an min ala ang tagan ned’a.

Sawal la giled’a 55:20

Alo ma nga kaka yam zlam mamba gak didina, mba mi huma, mba mi hulongôzi yazi kä, kayam azi nga mbut huruzi yam tcho mazid’a d’i, a nga lum mandaram mbuo mi. Tchol ndjö

Zla d’a d’ogolâ 21:29

Sama asa’atna mi d’uzî iram ba ba, wani sama d’ingêrâ mi tcholî kur lovot mamba ngingring.

Zla d’a d’ogolâ 22:12

Ma didina iram nga tinda yam sama wed’a, wani nga mi b’lak zlad’a hi sama mbut irid’a woyo.

Zla d’a d’ogolâ 23:35

Ang mba dala: A tonu, tan tan nga d’i; a mired’enu, an we nga d’i. An mba ni zlit akulo ni mindja ba, ni tche kua ge?

Zla d’a d’ogolâ 27:22

Le ang du sama lilid’a kur zuzud’a zlapa kawuna pî, lili mamba mba d’i wal lei ki sed’em mbi.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Jeremi 15:7

Kur azì ma nglo ma lara ma kur ambasina, an sirizi woi d’igi suma a sir awuna na, an dabazi grozina woyo, an dap sum mana woyo, wani azi wal nga ki sun mazi d’a tcho ndata d’i.

Jeremi 17:23

Wani azi humun nga d’i, a tin nga humazi á humun ndi, a tos humazi woi á humunu, a hum nga gat manda d’uo mi.

Jeremi 19:15

Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam azì ma ngol ma wana kazì ma nglo ma nguyuma pet. Ni ndak ka lara ge d’a an dat kamba, kayam azi tos humazi woi á hum zla manda.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

Jeremi 35:13

An Ma didin ma ad’engên kal petna, Alona hi Israel-lîna, nga ni dangû, ang i de mi suma Juda-na ki suma a nga kaka avo Jerusalem-ma ala: Agi nga vagi hata d’uo, agi nga gagi yagi kä ad’u zla d’a an Ma didina ni data mi d’uo zu?

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Jeremi 8:5

Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Daniel 9:13

D’igi a b’irit zlat kur gata hi Moise-sa na, ndak ndata ti mba wa kami pet. Hina pet pî, ami hulongômi nga yami kä avorong ang Ma didina Alo mamina d’i. Ami arami nga tcho mamid’a woi d’i, ami kami nga ir gagazi manga woi d’uo mi.

Sunda hi suma hi Levi-nid’a 26:23

Le an lagi hina pet ba, agi humugi nga ngop manda d’uo, agi tchologi ad’enga ki sed’enu ni,

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Amos 4:8

Azì ma nglona mbà d’oze hindi a i kur azì ma dingâ á tche mbina, wani nga mi vazi lau d’i. Hina pet pî, agi hulongôgï nga geven ndi. An Ma didina ni de na.

Amos 4:9

An kak awu magina himbirâ, an som mbei, an tchum mogod’a, an b’lagagi asinegi ma guguzlud’a ki tulumei magina kagu olif magina woi ki djera. Hina pet pî, agi hulongôgï nga geven ndi. An Ma didina ni de na.

Sofoni 3:7

An dagi ala: Le agi landi mandaranu, le agi vagi ngop manda atagiya ni, an mba ni b’lagagi yi magi ma kaka woi d’i, an mba ni ar ngop pa an ngat kurun á ngobogi ki d’a woi pet mi. Wani agi b’ad’agi tagi á le sun nda ndjendje d’a ata yat tuo d’a.

Romê-na 2:2

Ei wei ala Alona nga mi ka sariya d’a irata yam suma a nga lahle ndazinina.

Hebre-na 12:9

Ei djib’erei yam abuyoi suma kur duniyad’a ka hina: Azi nga gad’eya, ei nga gei yei kä avorozi mi. Ei ndak á gei yei kä avok Abui ma sä kur akulod’ina á kagei karid’a kal luo zu?