Jeremi 5:22 - Bible azumeina

²² Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Jeremi 5:22 Kruisverwysings

Ad’u Tinda 1:9

Alona mi de kua ala: Ar mbiyo ma kä ad’u akulod’ina, mi tok ata yima tuna tala ar yima sod’a mi nde woyo d’a. Mi le hina mi.

1 Amuleina 13:28

ma djok vun ma mamar máma mi tchol mi iya, mi fum mad’am ged’a kä hur lovota, korona azi kazlona a nga tchola kamu, wani azlona mi mud’um nga d’i, mi ve nga korona d’uo mi.

Wana ni mbaktumba hi Job-pa 26:10

Mi ngui nga yina akulo yam mbina d’igi haga d’a aduk b’od’a ki nduvundid’a na.

Wana ni mbaktumba hi Job-pa 37:24

Ni kayam ndata ba, suma a nga lum mandaramu. Wani nga mi djib’er yam suma a nga yi tazi ala azi ni suma ned’a na d’i.

Wana ni mbaktumba hi Job-pa 38:8

Ni nge ba, mi duk vuna yam alum ma ngolâ ata yima nga mi buzuk kei abu ata yama ge?

Sawal la giled’a 104:9

Ang tinim nga haga mamba tala mi tchila kat ba, mi mba mi hlup yam andagad’a d’uo d’a.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 33:7

Mi tok mbiyo alum ma ngolâ akulo yam tam ata yima tuna, mi tin zul la yiyika á togom kua.

Sawal la giled’a 46:3

Kayam ndata, le andagad’a giged’a, le ahinad’a yir gak i kä aduk alum ma ngolâ, le mbiyo aluma mi sulul akulo gak nga mi giget ahinad’a pî, ei nga lei mandar ri. Tchol ndjö

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Zla d’a d’ogolâ 8:29

Ata yima mi nga hagad’a malum ma ngolâ tala mbina mi tchila woi yam yima ngamzina d’uo d’a, an nga. Ata yima mi nga ad’u andagad’ina, an nga mi.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 64:2

Kid’a ang lahle suma mandar suma ami djubuzi nga yami tu d’uo nid’a, ang tchugï aseng kä, ahuniyôna a giget avorongû.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 31:35

Wana ni zlad’a hi Ma didin ma hafata á b’o yina faleina, ni ma he gata mi tilâ ki tchitchiud’a á b’o yina andjegena, ni ma nga mi zut alum ma ngolâ nga mi lum abilim á tchina mi na. Simiyêm ala Ma didin ma ad’engêm kal petna.

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Amos 4:12

Agi Israel-lâ, wana ni vama an nga ni lum ki sed’egina: Le an nga ni lagi na ni, agi minigi tagi á nga vagi ki an Alo magina.

Amos 9:6

Alona mi min yam ma kaka sä akulo, mi tin hur alo mama kä yam andagad’a, nga mi yï mbiyo alum ma ngolâ, nga mi kus sei yam andagad’a. Simiyêm ala Ma didina.

Jonas 1:16

Ata yi máma sum ndazina a le mandar Ma didina ngola, a ngad’am buzuna, a hlum vunazi mi.

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Marik 4:39

Mi zlid’a akulo, mi ngop simetna, mi de mi mbiyo apod’a ala: Ang sengâ, ang ba! Ata yi máma, simetna mi tchol b’et, yina seng silil mi.

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Gat ta a hat á mbàd’id’a 28:58

Le agi ngomogi nga vun ma hed’a hi gata pet ma a b’irim kur mbaktum mba wandina d’uo, le agi tid’igi nga kam mbuo, le agi lagi nga mandara simi ma subur ma kal papana hi Ma didina Alo maginina d’uo mi ni,

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.