Jeremi 5:2 - Bible azumeina

² Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Jeremi 5:2 Kruisverwysings

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 44:26

Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Wana ni mbaktumba hi Oze-d’a 10:4

A nga de zla d’a hawa yaka, a nga gun tazi gun nda ka zlad’a, a nga djin vunaziya, wani sariyad’a mba d’i zul kazi d’igi asu ma tchona mi zul hur asinena na.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Sunda hi suma hi Levi-nid’a 19:12

Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

2 Timote 3:5

A mba golozi ni d’igi suma he gagazid’a d’igi ei na na, wani azi mba tin vunazi yam ad’eng mamba. Ang mbut azigang mi suma hina na.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.