Jeremi 5:19 - Bible azumeina

¹⁹ Jeremi, le a djobong ala: Ni kayam me ba, Ma didina Alo meina mi mba ki ndak ndata kei hina pet ke ni, ang dazi ala: Ni kayamba agi noyôm mbei agi i lagi sunda malo ma dingâ kur ambas magid’id’a, agi mba lagi magomba mi suma dingâ kur ambas sa nga ni magid’a d’uo d’a hina mi.

Jeremi 5:19 Kruisverwysings

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 16:13

Kayam ndata, an mba ni yogi woi kur ambas sa wanda, ni tchugugi sä woi dei kur ambas sa abuyogi ngolo d’oze agi tagi wagizi nga yagi tu d’uo d’a. Ata yi máma agi mba lagi sunda malo ma teteng ma dingâ andjege ki faleya, kayam an mba ni wagi hohowogi d’uo d’a.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:14

Na ni Israel-lâ a ni magumeina zu? A vud’uzi ni kur magomba hina zu? Ni kayam me ba, a mbut vama hurumba mi suma ge?

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Jeremi 5:18

Ma didina mi de kua ala: Wani ata yi máma an mba ni dabagi woi pepet ti.

Jeremi 5:20

Ma didina mi dala: Ang i de zla ndata mi suma hi Jakob-ma, ang tchat walat mi suma hi Juda-na mi ala:

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Jeremi 9:13

Ma didina mi de kua ala: Kayam azi ar gat man nda an tinizizi avorozid’a woyo, azi humun nga vunan ndi, azi tit nga kat tuo mi.

Hor ma tchina 5:8

Magumeina a nga te kamiya, wani sama prud’umi woi abozina nga d’i.