Jeremi 5:17 - Bible azumeina

¹⁷ A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Jeremi 5:17 Kruisverwysings

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 62:9

Wani suma a mba tok awunina a mba tumu, a mba gilen an Ma didina; suma a mba dut guguzlud’ina, a mba tchat süm matna kur gulumuna hi yi man ma an tinim iram vama.

Isai 65:22

Azi mba min azina, sama ding mba mi kak kua d’i; a mba paguna, sama ding mba mi tum vud’um mbuo mi. Kayam sum mana a mba te tatâ d’igi aguna mi te tatâ na, suma an manazina a mba le furîd’a yam sun nda a mba lat kabozid’a mi.

Jeremi 1:15

Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 25:37

Kangâna mi b’leng djed’et abo ayî ma bibiliuna hi Ma didinina.

Jeremi 4:26

An gola, asine ma tub’ad’a mi mbut wa hur fulâ; azì mam ma nglona pet mi to kä woi avok Ma didina abo ayî mam ma bibiliuna.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 5:18

Ma didina mi de kua ala: Wani ata yi máma an mba ni dabagi woi pepet ti.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Jeremi 8:13

Ma didina mi dala: An min dabazi woyo. A mba fe vuta ata guguzlud’a d’uo d’a, a mba fe vuta ata tuluma d’uo d’a, humazi mba d’i yak keyo. Ahle suma an hazizina a mba dap pei abozi mi.

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Hor ma tchina 2:12

A nga de masuyozi ala: Ei fei tena ki süm guguzlud’a ni lara ge? A nga lá seîd’a kä ir palumba hazinid’a d’igi suma a fe dakina na, a nga bo akulo aduk asuyozi mi.

Hor ma tchina 2:2

Salad’a mi b’lak yima kaka hi suma hi Jakob-ma woi bei mi wum hohowom ba. Kur ayî mama mi to azì ma nglo ma ad’eng ma ngunguna hi Juda-na woyo, mi tom kä woi andaga, mi mbut leud’a zulona ki mat suma nglona pet mi.

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Joel 2:3

Akud’a nga d’i ngal avoroziya, sin akud’a nga d’i trâ blogozi mi. Andagad’a tavorozi ni d’igi asine ma Eden-na na, ti mbut blogozi ni d’igi hur ful ma d’ad’auna na mi.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Sofoni 3:6

Ma didina mi dala: An daba wa andjaf suma woi pet, an b’lak wa gong mazi d’a ndjol la fiyak ka ad’eng nga ngungud’a woyo, an mbut wa ir palumba hazì mazinid’a djona, an b’lak wa azì mazi ma ngol máma; sama kal kur nga d’uo mi na, sama kak kur nga d’uo mi.

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.