Jeremi 5:15 - Bible azumeina

¹⁵ Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Jeremi 5:15 Kruisverwysings

Ad’u Tinda 11:7

Ar ei tchugi asei kä, ei walazi vunazi woi teteng, ar sa mi hum vun ndram mbi.

Sawal la giled’a 81:5

Kayam ni gat ta yam Israel-lîd’a, ni vun ma hed’a hAlona hi Jakob-mina.

Isai 28:11

Gagazi, Ma didina mba mi de zlad’a mi sum ndazina navun suma ambrozlod’a avun ma dingâ mi!

Isai 29:3

An mba ni nguyung ki kang mana d’uhl, an mba ni nguyung kahle suma fuyogei suma ndjola ata yina teteng, an mba ni mbu andaga akulo ad’ung nguyung ngei d’uhl mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 33:19

Suma yam mba ad’eng suma a de vuna ang nga humum mbuo na d’oze andjaf suma ding suma vunazi ad’enga á humum ad’uma, ang mba wazi d’uo d’a.

Isai 39:3

Bugola, Isai ma djok vun Alona mi mba gen amulâ Ezekiyas, mi dum ala: Sum ndazina a dangâ na ge? A tcholï ni lara ge? Ezekiyas mi hulong dum ala: A tcholï ni yam andaga d’a Babilon-nda ata yima deina, a mba geven wana.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 1:15

Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 2:26

D’igi sama kula mi mbut zulona ata yima a vum ki kulina na, agi Israel-lâ kamulei magina ki magi suma nglona ki magi suma ngat buzuna ki magi suma djok vuna, agi mba mbud’ugi zulona ni hina mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 4:16

Agi gagi hum andjaf suma, agi dagi mi suma Jerusalem-ma mi ala: Suma djangûna a nga djïya. A tcholï nata yima deina, a nga yi tau d’a dur ayîna á dur azì ma nglo ma Juda-na.

Jeremi 5:11

Ma didina mi de kua ala: Israel-lâ ki suma Juda-na a mbud’un iran ngola.

Jeremi 6:22

Ma didina mi dala: Gola! Suma yam ambas sa abo ma norîd’a a nga djïya. Nandjaf ma ngol ma tcholï avun dabid’a handagad’ina.

Jeremi 9:26

nala, suma Ezipte-na, suma Juda-na, suma Edom-ma, suma Amon-na, suma Mowap-ma, zlapa ki suma a nga kaka abagei hur fulâ suma a nga wel vun tumus sa dudumazid’a woina mi, kayam andjaf sum ndazina pet a ngad’azi nga bayâd’a d’i, andjaf Israel-lâ pet pî a ngad’azi ni bayâ d’a lop ir sumid’a.

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Daniel 1:4

Nala, azungeî suma bei daka ba na, suma djif suma oîd’a ki ned’a ki wed’a ki wad’ud’ina, suma a ndak á le sunda kur gong nga amula, suma a ndak á hat vun Babilon-na ki lovot ta b’irimba mi na.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Amos 6:14

Agi Israel-lâ, gola! An mba ni tchol kandjaf ma dingâ á durugiya. Mba mi lagi ndaka, mba mi tinï ad’ud’a avun azì ma Hamat-na dei gak mba kur toliyon nda Araba-d’a.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

1 Korente-na 14:21

D’igi mbaktumba hAlonid’a ti de na ala: Salad’a mi dala: An mba ni de zlad’a mi sum ndazina navun suma dingâ ki vuna hi suma tetengîna mi. Hina pî, sum mana a mba humun ndi.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.