Jeremi 5:12 - Bible azumeina

¹² Suma Juda-na a tin vunazi yam Ma didina, a dala: Mi nga d’i. Ndaka nga d’i mba kei d’uo d’a, ei mba wei ayî ma dur roze baktarad’a d’uo mi.

Jeremi 5:12 Kruisverwysings

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Sawal la giled’a 10:6

Nga mi de kurum ala: An mba ni giget ti, vama tcho mba mi lan nduo burâ ki burâ.

Sawal la giled’a 14:1

Ni sawal la David mi hlat mi hat mi ma ngolâ hi suma hle sawalina. Suma lilid’a a nga de kuruzi ala: Alona nga d’i! Azi ni suma b’lak keina, a le ni sun nda ndjendjed’a; sama le djivid’a tu pî nga d’i.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 4:10

Ata yi máma an dala: Salad’a Ma didina, ang lop sum ndazina ki suma Jerusalem-ma ni loba, kayam ang dala: Agi mba kagagi ki b’leng nga halasa, wani mbigeu d’a fiyaka ti nga tinda kelemi á ngata.

Jeremi 43:1

Ata yima Jeremi mi dap zla d’a de d’a pet ta Ma didina Alo mazina mi dumzid’a ki zla d’a pet ta Ma didina Alo mazina mi hum vuna kat á dazizid’a petna,

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 6:14

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Ezekiyel 13:6

Ahle suma a nde tazi irazina nahle suma hawa ya’â. Zla mazi d’a azi nga djogota ni zla d’a kad’a. A nga dala: Wana ni zlad’a hi Ma didinid’a, wani an Ma didina ni sunuzi nga d’i. A nga tin huruzi yam zla mazid’a ala mba d’i ndak vun sun mata!

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Gat ta a hat á mbàd’id’a 29:19

Le agi humugi wa zlad’a hi vun ma djin máma da ni, ar sa adigagi mi subur tam kurum krovo bugol ala: Le an tit kur min manda, le an ni tche baba ni gurut pî, va mba mi lan ndi d’i.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

1 Samuel 6:9

Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.