Jeremi 5:1 - Bible azumeina

¹ Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Jeremi 5:1 Kruisverwysings

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Sawal la giled’a 12:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Zla d’a d’ogolâ 20:6

Suma ablaud’a nge nge pî, mi de ni woi yam djivi mamba. Wani ni nge ba, mi fe sama d’engzengâ ge?

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Zla d’a d’ogolâ 8:3

Ti nga d’i er ad’ut akulo avun agre’â ata yima suma a nga kal ki hur azì ma ngolîna, ti nga d’i er ad’ut akulo avun azina ala:

Sawal la kal teglesa 3:2

Kayam ndata, an nga ni tchola, an mba ni ngui hur azì ma ngolâ ir palumba, ata yima suma a nga tok kuana mi, an mba ni hal ma an hurum vum heîna. An halamu, an fum nga d’i.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Jeremi 2:29

Ma didina mi dala: Ni kayam me ba, agi lagi sariyad’a ki sed’en nge? Agi pet ni suma sondi vunana.

Jeremi 44:15

Suma pet suma a wala amiyôzina a ngal dubang ma his djivid’ina malo ma dingâ na karopma pet suma a nga tchola kur tok ka ngolina ki suma pet suma a nga kaka yam ambas sa Patros-sîna, a hulong de mi Jeremi ala:

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

Jeremi 9:7

Ni kayam ndata ba, an Ma didin ma ad’engên kal petna ni dala: Gola! An nga ni yoroziya, ni kuguziya. Le hina d’uo ni, an mba ni le ni nana yam sum mana ge?

Ezekiyel 22:30

An nga ni hal sana adigazi á ge gulumuna woi kazi á tchol avoron ir gulumun ma hulut teina á sut ambasa tala ti b’lak kei d’uo d’a. Wani an nga ni fe sa d’i.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Joel 2:9

Azi ndja abozi hur azì ma ngolâ, a nga ring akulo yam gulumuna, a nga tchuk klavi hur gongîyona ir fenetred’a d’igi suma kula na.

Amos 8:12

Azi mba tcha tata d’igi mbiyo ma kur alum ma ngolîna na, a mba i abo ma sutna, a mba i abo ma fladegena, a mba i abo ma norâ, a mba i abo ma yorogona mi. Azi mba tcha tata á hum zla d’a ndavunan an Ma didinid’a, wani azi mba fat ti.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Wana ni Zla d’a Djivi d’a Luc mi b’irita 14:21

Azong máma mi hulongâ, mi de zla ndata mi salama. Ata yi máma, salama hurum mi zala, mi de mazong mama ala: Ang i atogo kur lovot ta ngola kangrazina, ang mbeï ki suma houd’a ki suma homozed’a ki suma duka ki suma dileîd’a mi.

2 Tasaloni’â 2:10

á lop suma a nga ba woina pet, kayam azi noî á le yam gagazid’a á fe suta.