Jeremi 49:8 - Bible azumeina

⁸ Agi suma nga kaka Dedan-na, agi mbud’ugi iragi agi ringîgiya, agi i ngeyegi kur zul ahinad’a, kayam an nga ni mba ki b’laka yam agi andjafâ hi Esau-na, kayam yima a ngam á lagi ndaka kuana, mi mba wa.

Jeremi 49:8 Kruisverwysings

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 21:13

Wana ni zla d’a a dat yam Arabi-d’a: Agi suma Dedan suma tid’igi ki djambalina, agi mba burugi sä woi abagei Arabi.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Jeremi 25:23

An hum mi suma Dedan-na, mi suma Tema-na, mi suma Bus-sâ ki suma pet suma a nga wel tumus sa dudumazid’a woi abo tutuna mi.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 48:28

Agi suma nga kaka Mowap-ma, agi aragi azì ma nglona woyo, agi i kagagi aduk ahuniyôna, agi kagagi d’igi gugud’a ti min aziyat apei zul la ahinad’a na.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Jeremi 48:6

Azi nga dala: Agi ringîgiya! Agi sud’ugi tagiya! Agi kagagi hur fulâ d’igi koro ma abageina na.

Jeremi 49:30

Ma didina mi dala: Agi suma nga kaka Hasor-râ, agi ringîgi atogo, agi igi sä woi dei, agi ngeyegi kur zul ahinad’a, kayam Nebukanezar amul ma Babilon-na, mi min wa zlad’a kagi á durugiya, mi nga wa hurum kagi da’.

Jeremi 49:32

Ma didina mi dala: A mba hurum djambal mazid’a, d’uwar mazi ma mimiyâ’â mba mi mbut ni vama hurumba avun ayîna. An mba ni ndjoyôzi woi ki simetna pet. Suma a wel ad’u dudumazina, an mba ni mba ki ndaka kazi ata yina pet.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Ezekiyel 25:13

Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Malatchi 1:3

wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Vama ndum mbeina 6:15

Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.