Jeremi 49:7 - Bible azumeina

⁷ Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 49:7 Kruisverwysings

Ad’u Tinda 25:30

mi de mi Jakob ala: Meid’a tchan heî. Ang aran an te te ma hleu ma wana. Ni kayam ndata ba, suma a yi Esau ala Edom.

Ad’u Tinda 27:41

Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.

Ad’u Tinda 32:3

Jakob mi sun suma avorom gen wiyema Esau, kur ambas sa Seir yam andaga d’a Edom-mba.

Ad’u Tinda 36:11

Elifas groma ba wana: Teman, Omar, Sefo, Gatam ki Kenas.

Ad’u Tinda 36:15

Wana namulei suma ad’u andjafâ hi Esau-na. Wana nandjafâ hi Elifas Esau gorom ma ngolîna: Teman, Omar, Sefo, Kenas,

Ad’u Tinda 36:34

Jobap mi mid’a; Husam ma yam andaga d’a Teman-ndina, mi vrak tamula blangâmu.

Ad’u Tinda 36:8

Esau ma a yum ala Edom-ma, mi kak yam ahina d’a Seir-ra.

1 Sunda Hamuleinid’a 1:53

Kenas, Teman, Mipsar,

Wana ni mbaktumba hi Job-pa 2:11

Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.

Wana ni mbaktumba hi Job-pa 4:1

Elifas ma Teman-na mi de mi Job ala:

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Isai 21:11

Wana ni zla d’a a dat yam Duma-d’a: An hum dela d’i tcholï Seir, ti dan ala: Ma ndjola, va mi le andjege ni me ge? Ma ndjola, va mi le andjege ni me ge?

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 25:21

An hum mi suma Edom-ma, mi suma Mowap-ma ki suma Amon-na mi.

Jeremi 25:23

An hum mi suma Dedan-na, mi suma Tema-na, mi suma Bus-sâ ki suma pet suma a nga wel tumus sa dudumazid’a woi abo tutuna mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 49:20

Kayam ndata, agi humugi zla d’a Ma didina mi ngat kurum yam suma Edom-mid’a, agi humugi nga hur ma mi ngam kurum yam suma a nga kaka Teman-na mi. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Ezekiyel 32:29

Gola! Suma Edom-ma kamulei mazina ki mazi suma nglona a nga kua mi. Wani kad’eng mazid’a hina pet pî, a tozozi zlapa ki suma a tchazi avun ayînina, a tozozi zlapa ki suma bei ngat bayâ suma a i kä azuleina.

Daniel 11:41

Mba mi kal kur ambasa yat ma djivi ma kalâ, mba mi tchi suma ablaud’a. Wani suma Edom-ma ki suma Mowap-ma ki suma gangrang suma Amon-na a mba sut abomu.

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Gat ta a hat á mbàd’id’a 23:7

Agi gologi Edom-ma is si, kayam azi ni b’oziyogina; agi gologi Ezipte-na is suo mi, kayam agi ei nangoyogeina yam ambas mazid’a.