Jeremi 49:5 - Bible azumeina

⁵ Salad’a Ma didin ma ad’engêm kal petna mi dala: An mba ni mba ki mandarâ kagu, mba mi nguyuk ata yina pet. agi mba ndjoyôgi woi vivreng, nge nge pî mba mi i yi mama, a mba fe sama mba mi tok suma a nga ringâ d’i.

Jeremi 49:5 Kruisverwysings

2 Amuleina 19:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Wana ni mbaktumba hi Job-pa 15:21

Siwel la nga d’i mbut suma mandarid’a, nga d’i siwel humamu, ata yima b’leng nga halasa nga na, ma b’lak yina nga mi mba kamu.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 16:3

Suma hi Mowap-ma a nga tchen suma Jerusalem-ma ala: Agi dami d’alâ, agi ngagi hurugi yam va tu, agi baragi gigingâgi kami falei d’ad’ar d’igi andjeged’a ti duk yina na, agi ngeyegi mami suma a nga hal yima ngeid’ina, agi dagi woi yam mami suma a nga ringâ d’i.

Jeremi 15:8

An zul arop suma modonod’a avo hatazi kal les ma avun alum ma ngolîna, an tin grangâ asum tchina falei d’ad’ar, an mba ki ndaka kahle suma mandarâ kat atogo zak mi.

Jeremi 16:16

Ma didina mi dala: Gola! An nga ni sun suma tchiuna ablaud’a, a mba tchiwiziya. Bugola, an mba ni sun suma nduwanda ablaud’a, a mba nduwanazi akulo yam ahuniyô suma fuyogeina, yam yima ndingâ kangra ahuniyôna ata yima lara ge pet mi.

Jeremi 20:4

Kayam Ma didina mi dala: Gola! An mba ni mbud’ung ang tanga mandarâ ki buniyôngâ pet mi. Mazi suma djangûna a mba tchazi avun ayîna, ang mba wazi ki irangû. An mba ni he suma Juda-na pet abo amul ma Babilon-na. Mba mi yozi magomba, mba mi i ki sed’ezi Babilon, mba mi tchazi ki mbigeu d’a fiyaka mi.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 49:29

Ar a yozi zlub’u mazid’a ki d’uwar mazina, ar a yozi azuwei mazina kahle mazina ki djambal mazid’a, ar a tchi wulula ad’uzi akulo ala: Ar mandarâ mi vazi ata yina pet!

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Hor ma tchina 4:15

Suma a nga dazi ala: Agi hud’ugizi woi gevemiya! Agi suma ndjendjed’a, hud’ugizi woyo! Hud’ugizi woyo! Ar agi domi d’i! A nga ringâ, a nga tcha tata aduk andjaf suma. Wani a nga dazi ala: Ar agi kagagi avo hatami ka hî d’i!

Amos 4:3

Agi mba buzugugi ir gulumun ma tchod’a, nge nge pî mi nga vorom ata yima mam hle kuana, agi mba tchugugi tagi kä kel abo ma norâ. An Ma didina ni de na.

Josue 2:9

ti dazi ala: An wala Ma didina mi hagiya wa ambas sa wanda abogiya; mandaragi mi vamiya wa batei. Suma kur ambas sa wandina pet a tchuk wa susub’ok abogiya.