Jeremi 49:3 - Bible azumeina

³ Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

Jeremi 49:3 Kruisverwysings

2 Samuel 11:1

Tcha damad’a, natchogoi d’a amuleina a i durâ abageid’a, David mi sun Jowap azi ki azigar mam suma nglona ki Israel-lâ pet á b’lak suma Amon-na, á hle Raba mi. Wani David mi ar kaka avo Jerusalem.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

1 Amuleina 11:5

Mi kud’or Astarte alod’a hi suma Sidon-nid’a ki Milkom alo ma ndjendjed’a hi suma Amon-nina mi.

2 Amuleina 23:13

Mi b’lak yima nding ma Salomon amul ma Israel-lâ mi minim avor Jerusalem d’ar abo ma ndjufâ hahina d’a B’lak sumid’a mi Astarte alo d’a ndjendjed’a hi suma Sidon-nid’a, Kemos alo ma ndjendjed’a hi suma Mowap-mina, mi Milkom alo ma ndjendjed’a hi suma Amon-nina mi.

Esdras 2:28

Suma Betel-lâ ki suma Aï-na ni 223,

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Isai 23:1

Wana ni zla d’a a dat yam azì ma Tir-rîd’a: Agi suma kur bato d’a Tarsis-sa, agi tchigiya, kayam a b’lagat tei da’. Azì nga d’uo mi na, vun agrek ma kal kuana mi nga d’uo mi. Zla ndata a humud’ï ni yam til la Kitim-mba.

Isai 23:6

Agi suma nga kaka yam tilina, agi igi Tarsis, agi tchigiya.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Jeremi 46:25

Ma didin ma ad’engêm kal petna, Alona hi Israel-lîna, mi dala: Gola! An nga ni mba á ngop Amon alo ma Tebes-sâ, á ngop Faron ma Ezipte-na kalo mama teteng kamulei mama ki suma a tin huruzi kama mi.

Jeremi 48:2

Subura hi Mowap-pa nga d’uo d’a. A nga de zlad’a avo Hesbon yam b’lak mata ala: Ei i blazeizi woi aduk andjaf suma. Ang azì ma Matmen-na, ang mba ka’î ki vunang ma du’â, kayam ayîna nga mi djï blogongû.

Jeremi 48:20

A mba hulong dala: Azì ma Mowap-ma mi mbut wa zulona, kayam a b’lagam wa woyo. Agi tchagi wulula, agi tchigiya, agi dum zlam mbei avun alum ma Arnon-na ala: Azì ma Mowap-ma mi b’lak wa woyo.

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Jeremi 48:7

Agi suma Mowap-ma, kayam agi tinigi hurugi yam sun magid’a, yam ndjondjoî magid’a mi, a mba yogi agi tagid’a! Alo magina Kemos, a mba im magomba zlapa ki mam suma ngat buzuna ki mam suma nglona mi.

Jeremi 49:1

Wana ni zla d’a a dat yam suma Amon-nid’a: Ma didina mi dala: Israel-lâ a nga ki gro d’uo zu? Ma te djo mazi mi nga d’uo zu? Ni kayam me ba, alo ma a yum ala Milkom-ma mi hlandaga d’a Gad-ta ge? Ni kayam me ba, sum mama a kak kur azì mam ma nglona ge?

Jeremi 51:8

Atogo hina zak Babilon ti puk kä, ti b’lak keyo. Agi tchigi kad’u, agi yogi kumana á tinda ata mbil matna. Dam mba d’i tchil kla?

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Amos 1:15

Amul mazina, a mba im magomba ki mam suma nglona. An Ma didina ni de na.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Jacques 5:1

Agi suma ndjondjoîna, ki tchetchemba, agi humugiya. Agi tchigi ki yor tad’a yam zla d’a hohou d’a nga d’i mba kagid’a.

Josue 7:2

Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,

Josue 8:1

Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû.

Josue 8:28

Josue mi ngal azì ma Aï-na woyo, mi mbud’umî azì ma b’laka ki iram fafat, mi mbut ni d’igi hur fulâ na gak ini.