Jeremi 49:29 - Bible azumeina

²⁹ Ar a yozi zlub’u mazid’a ki d’uwar mazina, ar a yozi azuwei mazina kahle mazina ki djambal mazid’a, ar a tchi wulula ad’uzi akulo ala: Ar mandarâ mi vazi ata yina pet!

Jeremi 49:29 Kruisverwysings

Ad’u Tinda 37:25

Ata yima azi kak kä á te tenina, azi hle irazi akulo, a we suma Ismael-lâ a tcholï Galät ki djambal mazid’a, azi yoi mbul ma his ma afufuîna ki dubang agu bauma kagu mirâ á izi Ezipte.

Wana ni mbaktumba hi Job-pa 1:3

Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo suma mam nga kaka adigazina.

Sawal la giled’a 120:5

Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

Sawal la giled’a 31:13

Azi mar kan d’igi sama mit teina na; an mbut ni d’igi vama ba woina na.

Isai 13:20

Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 60:7

D’uwar ma Kedar-râ a mba togomî avo hatagu, gamlâ ma Nebayot-na mba mi mbut ni vama lak sunda. A mba hazi he d’a hawa d’a ngala yam yi man ma ngal ahle suma ngat buzuna, a mba lan tan djivid’a, an mba ni subur gong man nda djifâ.

Jeremi 10:20

Zlub’u manda ti b’lak wa woyo, ziyo mana mi tchal wa woyo. Grona a aran wa woyo, a nga d’uo d’a. An nga ki sama ding ma van zlub’ud’a akulona d’i, ma mi van anguzuna yam gongina mi nga d’uo mi.

Jeremi 4:20

A nga de zlad’a yam b’laka kam kua kam kua, ambasa pet ti b’lak keyo. Zlub’u mamid’a ti pleî woi atogo hina zak, yami ma kaka mi b’lak kei atogo hina zak d’igi ir ra tchemba na mi.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 49:24

Suma Damas-sâ a mbut amangeîd’a, a hazigazi á ringâ, a nga zlak abo mandarâ. Pupuluka ki ta d’a ted’a nga d’i tazi d’igi atcha d’a nde vutid’a na.

Jeremi 49:5

Salad’a Ma didin ma ad’engêm kal petna mi dala: An mba ni mba ki mandarâ kagu, mba mi nguyuk ata yina pet. agi mba ndjoyôgi woi vivreng, nge nge pî mba mi i yi mama, a mba fe sama mba mi tok suma a nga ringâ d’i.

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Habakuk 3:7

An we suma Kus-sâ a nga kur ndaka ngola; suma Madiyan-na a nga zlak mi.

2 Korente-na 4:8

Ami nga fami ndaka abo ahlena teteng, wani a kal nga kami d’i; ami nga kur djib’era teteng, wani tami tchuk nga lus suo mi.

2 Korente-na 7:5

Wani kid’a ami mbami yam ambas sa Maseduwan-nda, ami fami nga yima tuk tamina d’i, kayam ami fami ndaka ata yima lara ge pet. Ami nga durumi woi abu ki suma pet, wani kurumi krovo ni mandarâ.

Suma ka sariyad’a 6:5

Ata yima a nga mbana, a mba ni ki d’uwar mazina ki zlub’u mazid’a, a mba nablaud’a d’igi djera na, a ndak nga á ndum mbi. A mba ni ki djambal mazid’a á b’lak ahle suma yam ambasina.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

Suma ka sariyad’a 8:21

Zeba azi ki Salmuna a de mi Zedeyon ala: Ang tang tchol akulo, ang tchamiya! Kayam ni sama ndak mandjufîna tua ba, mi tchi sana. Zedeyon mi tchol akulo, mi tchi Zeba azi ki Salmuna, mi yo ahle suma djif suma kel djambal mazid’ina mi.

Suma ka sariyad’a 8:26

Ngangam ma lor ma Zedeyon mi tchenema, a negem ndak ir kilona dok mbà bei ndum ahle suma kel sumina ki ngangam ma humba ki baru d’a djif fa hleu d’a amulei suma Madiyan-na a tchuguta, bei ndum ahle suma djif suma kel djambal mazid’ina ba mi.