Jeremi 49:23 - Bible azumeina

²³ Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Jeremi 49:23 Kruisverwysings

Ad’u Tinda 14:15

Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna.

Ad’u Tinda 15:2

Abram mi hulong dum ala: Salad’a Ma didina, djivid’a an mba ni fat kur ahle suma ang mba handjina ni me ge? Goron nga d’i; sama mba mi tan djona nazong mana Eliyezer ma Damas-sâ.

2 Samuel 17:10

Ata yi máma sama ayîna d’igi azlona na na pî mba mi mbut mandarâ, kayam Israel-lâ pet a wala abungî grangâ, suma ki sed’ema ni suma gangrangâ mi.

2 Samuel 8:9

Toi amul ma Hamat-na mi hum ala David mi kus wa yam azigarâ hi Hadadezer-râ pet!

1 Amuleina 11:24

Kid’a David mi tchi azigarâ hi salama Hadadezer-râ woid’a, Rezon mi tok suma adesâ ad’umu, mi mbut ma ngol mazina, a i Damas, a kak sä kua. Mi mbut amulâ avo Damas.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 18:34

Alo ma Hamat-na ki ma Arpat-na a nga ni lara ge? Alo ma Sefarvayim-ma ki ma Hena-na ki ma Iva-na a nga ni lara ge? Azi sut Samari woi abon ndju? Nga na d’i!

2 Amuleina 19:13

Ang wamul ma Hamat-na kamul ma Arpat-na kamul ma Sefarvayim-ma kamul ma Hena-na kamul ma Iva-na, azi nga ni lara ge?

2 Amuleina 5:12

Na ni Abana ki Parpar alum ma Damas-sâ a kal nga mbiyo ma Israel-lâ tala an ge tan kur á mbus ni yak kei d’a d’uo zu? Wani mi hulong mi ge tam kayîna, mi iya.

2 Sunda Hamuleinid’a 16:2

Kayam ndata, Asa mi yo kawei ma hapma ki lora suma nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur azì ma amulina, mi sun ki suma mi Ben-Hadat amul ma Siri ma nga kaka Damas-sâ,

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 13:7

Kayam ndata, suma pet abozi mi mbut amangeîd’a, vunadigazi ti pat fefek mi.

Isai 36:19

Alo ma Hamat-na ki ma Arpat-na a nga ni lara ge? Alo ma Sefarvayim-ma mi nga ni lara ge? Azi sut Samari woi abon ndju? Nga na d’i!

Isai 37:13

Ang wamul ma Hamat-na kamul ma Arpat-na kamul ma Sefarvayim-ma kamul ma Hena-na kamul ma Iva-na, azi nga ni lara ge?

Isai 57:20

Wani suma asa’atna a ni d’igi alum ma ngol ma mi tcha tata ma mbiyo mama nga mi tchol b’et tuo ma nga mi labilâ mi tchuk sä zozot ta lara ge woi petna na.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Jeremi 39:5

Wani azigar suma Babilon-na a digizi ad’uzi gak a ve Sedekiyas sä hur ful la Jeriko-d’a. A vumu, a im mi Nebukanezar amul ma Babilon-na avo Ribla kur ambas sa Hamat-ta. Nebukanezar mi kam sariyad’a kam ata yi máma.

Ezekiyel 27:18

Suma Damas-sâ a nga mbut abozi ki sed’eng kahle suma ablau suma a nga kurungâ kahle suma djivi suma a zul hatangâ. A nga hang süm guguzlu d’a Helbon-nda ki tumus sa hapa hi tumiyônid’a mi.

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Ndumba 13:21

Sum ndazina a i á d’u ambasa, a tinï ad’ud’a hur ful ma Tisin-na dei gak a mba Rehop go ki Hamat.

Sunda hi suma a sunuzinid’a 27:20

Kid’a burâ ngola ami wami nga afata d’oze tchitchiud’a d’uo abo babar ma bibik ma nga laminid’a, ami djib’eremi ala ami bami ni woyo.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

2 Korente-na 11:32

Kid’a an sä Damas-sa, ma te yam ma ad’u amulâ Aretas-sâ, mi tin suma ndjola avun azina á vanu.

Gat ta a hat á mbàd’id’a 20:8

Suma nglo suma avok suma durîna a i avok ki zla d’a ded’a, a de kua ala: Ni nge ba, mi nga ki mandarâ, vunadigam pat fek ke? Ar mi hulong avo hatam tala b’oziyom tazi tchuk lus d’igi mam na d’uo d’a.

Josue 14:8

Suma a i ki sed’ena a tchuk suma tazi susub’ok, wani an tit yam lovota hi Ma didina Alo manid’a memet.

Josue 2:11

Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.