Jeremi 49:2 - Bible azumeina

² Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Jeremi 49:2 Kruisverwysings

2 Samuel 11:1

Tcha damad’a, natchogoi d’a amuleina a i durâ abageid’a, David mi sun Jowap azi ki azigar mam suma nglona ki Israel-lâ pet á b’lak suma Amon-na, á hle Raba mi. Wani David mi ar kaka avo Jerusalem.

Sawal la giled’a 48:11

Alo mamina, subur manga ti b’rau woi avun dabid’a handagad’id’a d’igi simiyêng mi nde ata yina na; ang nga tamula ki d’ingêra.

Sawal la giled’a 97:8

Ma didina, suma Siyon-na a huma, a le furîd’a, suma kur azì ma nglo ma Juda-na pet a nga aî yam sariya mang nga kad’a mi!

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 17:1

Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 49:1

Wana ni zla d’a a dat yam suma Amon-nid’a: Ma didina mi dala: Israel-lâ a nga ki gro d’uo zu? Ma te djo mazi mi nga d’uo zu? Ni kayam me ba, alo ma a yum ala Milkom-ma mi hlandaga d’a Gad-ta ge? Ni kayam me ba, sum mama a kak kur azì mam ma nglona ge?

Ezekiyel 21:20

á mbut suma mandarâ hehebek á samazi mad’azi ka didi d’a. Mbigeu d’a fiyak ka an mba ni tinit avun agrek ma lara ge pet ndata, a lat ná wiled’a, a ngomot ná tchi matna mi.

Ezekiyel 21:25

Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Abdiyas 1:19

Suma Juda-na a mba hlahinad’a hi Esau-d’a, suma a nga kaka kä ata yima ligitimina a mba hlahinad’a hi suma Filistê-nid’a, a mba hle leud’a hi suma Efraim-mid’a ki d’a hi suma Samari-nid’a, suma hi Benjamin-na a mba hle Galät mi.

Ndumba 10:9

Fata agi tchologi kur ambas magid’a á igi dur ayîna ki magi suma djangû suma a mba ndagi ayînina, agi mba bugi adifa ad’enga kiking. Hina wani, an Ma didina Alo magina mba ni djib’er kagi ni sud’ugi woi abo magi suma djangûna mi.

Ndumba 21:25

A hle azì ma nglona hi suma Amor-rîna pet ki Hesbon kazì ma gurei ma nguyuma pet, a kak kua mi.

Gat ta a hat á mbàd’id’a 13:16

Agi togogi ahle suma agi yogizina hurazina d’ad’ar, agi ngalagi azì máma kahle suma agi yozina pepet woi kakud’a avok Ma didina Alo magina. Azì máma mba mi arî azì ma b’laka ki iram fafat; ar sa mi minim akulo d’uo d’a.

Gat ta a hat á mbàd’id’a 3:11

(Ok amul ma Basan-na ni ma mi ar danan ad’u andjafâ hi suma Refa-nina. Azang mam ma kaweina a fumî kur Raba azì ma ngolâ hi suma Amon-nina. Fiyagam kal metred’a fid’i, bubuwam metred’a mbà mi.)

Josue 17:11

Andjafâ hi Manase-na mi nga kazì ma dingâ yam ambasa hi Isakar-ra ki d’a hi Aser-ra mi, nala, Bet-Seyan kazì ma nguyutna, Jibleyam kazì ma nguyutna, ki suma a nga kaka Dor-râ kazì ma nguyuzina zlapa ki suma a nga kaka En-Dor-râ kazì ma nguyuzina, suma a nga kaka Täna’â kazì ma nguyuzina, ki suma a nga kaka Megido-na kazì ma nguyuzina, kazì ma ding ma akulo yam yima ndingîna kua hindi mi.

Josue 17:16

Andjafâ hi Josef-fâ a hulong dum ala: Yima yam ahinad’ina mi ndagami nga d’i. Suma Kanan suma a nga kaka hur fulina a nga ki pus ma kawei ma dur ayîna zlapa ki suma Bet-Seyan-na kazì ma nguyuzina, ki suma a nga kaka kur hor ra Jisreyel-lina mi.