Jeremi 49:19 - Bible azumeina

¹⁹ Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 49:19 Kruisverwysings

1 Sunda Hamuleinid’a 12:15

Wana ni suma a djak alum ma Jurdê-na kur til ma avo’â ata yima aluma nga mi kus seina, ni suma a dik suma a nga kaka kur hora abo ma yorogona kabo ma fladegenina.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

Wana ni mbaktumba hi Job-pa 41:10

Sin akud’a nga d’i buzuk kei avunamu, aku d’a munda nga d’i yak kei avunam tchutchum mi.

Wana ni mbaktumba hi Job-pa 9:19

Le ni zla d’a ad’enga ni, mam mi Ma ad’engêm kal petna! Le ni zla d’a ka sariyad’a ni, ni nge ba, mba mi i ki sed’em ata yima ka sariyad’a ge?

Wana ni mbaktumba hi Job-pa 9:21

Le an ni sama bei zlad’a kana pî, an min kak ki iran ndi, an gol tan is mi.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 76:7

Ata yima ang Alona hi Jakob-ma ang ngobozina, suma djang akulumeina a puk kä kakulumei mazina.

Sawal la giled’a 76:8

Angî Ma kal teglesâ! Ata yima hurung zalâ, ni nge ba, mi ndak á tchol avorong nge?

Sawal la giled’a 89:6

Ma didina, ar ahle suma ang lazi sä kur akulod’ina a gileng yam sun nda atchap pa ang lata, ar mang suma akulona a gileng d’engzeng manga kur tok mazid’a mi.

Sawal la giled’a 89:8

Angî ma ngol ma kal tegles ma de d’alâ aduk toka hi malaikanid’a, angî ma kal papana aduk suma akulo suma a nguyungâ.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Isai 46:9

Agi djib’eregi yam ahle suma kalâ, kayam an nAlona, ma ding nga d’i. An nAlona, ma hle tam d’igi an na na nga d’uo mi.

Jeremi 12:5

Ma didina mi hulong dala: Le ang ring ki suma asemba ba, ang mba seî woyo ni, ni nana ba, ang mba nga tang kakulumeina ge? Le ang kak bei mandarâ ki halasa ni kur ambas sa halasa go ni, ni nana ba, ang mba ring aduk agu d’a avun Jurdê-d’a ge?

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Daniel 7:4

Ma avo’â mi hle tam d’igi azlona na, wani mi nga ki gigingâ d’igi ma hi b’arunina na. Kid’a an nga ni golom tua d’a, a pad’am gigingâm mbeyo, a hlum akulo woi yam andagad’a, a tcholom akulo kasem d’igi sana na, a hum djib’era hi sanid’id’a mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Josue 3:15

Yima suma a fet awuna kuana ni yima alum ma Jurdê-na nga mi kus seina. Kid’a suma ngat buzu suma a nga zi zandu’â a mba avun alum ma Jurdê-na a nik asezi aduk mbinid’a,

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?