Jeremi 49:16 - Bible azumeina

¹⁶ Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 49:16 Kruisverwysings

2 Amuleina 14:7

Amasiya mi tchi azigar suma Edom-ma 10.000 kur hor ra Ndjuvuna kur ayî ma durâ, mi hlazì ma Sela-na, mi djogom simiyêm ala Joktel, ni simi máma ba, a nga yum ki gak ini.

Wana ni mbaktumba hi Job-pa 39:27

Nga mi djulul kayîna, nga mi tau yina kurum tatau, nga mi ve tam hina kei ata yima adifa ti tchina d’i.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 18:21

Matna ki arid’a a nad’u ad’enga hi sindid’a, sama mi le katna mba mi fe wurak mata.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Isai 10:14

An yo ndjondjoîd’a hi sumid’a d’igi sana mi yo asena kur azì aleina na, an yo andagad’a pet bei sa mi yo djedjerem akulo atan ba, bei sa mi ngo vunam á dan zla ba, d’igi sana mi yo ase alei ma a aram mbeina na mi.

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Jeremi 48:14

Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?

Jeremi 49:15

Suma Edom-ma, gola! An hulongôgi yagi kä aduk andjaf suma, an mbud’ugi vama gol isâ aduk suma mi.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Habakuk 2:9

Ni zla d’a hohoud’a yam sama nga mi tok bege d’a mbut ira á mbut tam ad’engina, á sut tam mbei kur bur ma ndaka mba kama.

Malatchi 1:3

wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.