Jeremi 48:7 - Bible azumeina

⁷ Agi suma Mowap-ma, kayam agi tinigi hurugi yam sun magid’a, yam ndjondjoî magid’a mi, a mba yogi agi tagid’a! Alo magina Kemos, a mba im magomba zlapa ki mam suma ngat buzuna ki mam suma nglona mi.

Jeremi 48:7 Kruisverwysings

2 Samuel 5:21

Suma Filistê-na a ar filei mazina teteng ngei ata yi máma; David ki sum mama a yomîya.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

Sawal la giled’a 40:4

Mi had’an sawal la awilid’a á gilem mam Alo meina. Suma ablaud’a a mba we hina, a mba le mandarâ, a mba tin huruzi yam Ma didina mi.

Sawal la giled’a 52:7

Alona mba mi b’lagang ngei ki irang fafat, mba mi diging ngei kur aziyangû, mba mi pad’ang ngei aduk suma yam andagad’ina mi. Tchol ndjö

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Jeremi 43:12

An mba ni do akud’a ata azì ma fileina hi Ezipte-na. Nebukanezar mba mi ngalazi woyo, mba mi i ki filei mazina magomba, mba mi zlup ambas sa Ezipte-d’a atam d’igi ma pola mi zlup baru mama atam na, mba mi nde woi kurut ki halasa.

Jeremi 48:13

Suma Mowap-ma a mba mbut zulona yam alo mazina Kemos d’igi Israel-lâ a mbut zulona yam alo ma Betel ma azi tin huruzi kama na.

Jeremi 48:46

Ni zla d’a hohoud’a yam ang azì ma Mowap-ma! Suma hi Kemos-sâ a dap wa woyo, kayam grong suma andjafâ ki grong suma aropma, a yoziya wa magomba.

Jeremi 49:3

Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

Jeremi 49:4

Ndak Raba gor wei d’a bei hum vuna ba d’a, Ni kayam me ba, ndak subur tak yam hor mak ka wul ahlena heîd’a ge? Ndak tin huruk yam ndjondjoî maka, ndak nga dala: Ni nge ba, mba mi mba atan á durâ ge?

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Wana ni mbaktumba hi Oze-d’a 10:13

Wani agi zaragi ni tchod’a, agi dud’ugi ni sun nda d’ingêr ruo d’a, agi tagi vud’a zla d’a kad’a. Agi tinigi hurugi ni yam pus magi ma dur ayîna, yam ablaud’a hi azigar maginid’a mi.

Ndumba 21:29

Ni vama hohoud’a kang ang Mowap! Agi suma tuwalagi Kemos-sâ, agi bagi woyo! Mi mbut groma ni suma ring avok suma, mi he grom suma aropma mi Sihon amul ma Amor-râ magomba.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Suma ka sariyad’a 11:24

Ang ndak á ve vama alo mangâ Kemos mi hangzina d’uo zu? Ahlena pet suma Ma didina Alo mamina mi hamizina, ami ndak á vamizi mi d’uo zu?