Jeremi 48:36 - Bible azumeina

³⁶ Ni kayam ndata ba, an nga ni tchi kurun krovo yam suma Mowap-ma d’igi taulâd’a ti tchi na, an nga mi tchi kurun krovo yam suma Kir-Heres-sâ d’igi taulâd’a ti tchi na mi, kayam ndjondjoî d’a azi togota, ti b’lak wa woyo.

Jeremi 48:36 Kruisverwysings

2 Amuleina 3:25

Azi b’lak azì ma nglona kä woyo, a dur ahuniyôna kur asine ma azi nga zumuma gak ahinad’a oî woi hur asinena, a tos ir mbiyo ma laud’a woi pet, a ka agu ma vuta woi pet mi. Wani azì ma Kir-Hares-sâ mi arî mam hol, wani azigar suma dur ahinad’a a mba nguyum a durumu.

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 18:11

Fed’a hi sama ndjondjoînid’a ni d’igi azì ma ngol ma ad’eng ma ngunguna na, djib’er mamba ti ni d’igi gulumun ma fiyak ma mam ngei tam kua á kak ki halasina na.

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 15:7

Kayam ndata, a yo ahle mazina ad’uzi d’a ara, a i kahle suma a ngomozina sä abo toliyon nda Da’ara woi hî.

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 48:31

Ni kayam ndata ba, an nga ni tchi yam azì ma Mowap-ma, an nga ni tchi yam azì ma Mowap-ma ki zla tam pet, an nga ni tchi yam suma Kir-Heres-sâ.