Jeremi 48:2 - Bible azumeina

² Subura hi Mowap-pa nga d’uo d’a. A nga de zlad’a avo Hesbon yam b’lak mata ala: Ei i blazeizi woi aduk andjaf suma. Ang azì ma Matmen-na, ang mba ka’î ki vunang ma du’â, kayam ayîna nga mi djï blogongû.

Jeremi 48:2 Kruisverwysings

Isai 15:1

Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 16:14

Wani ki tchetchemba mi dala: Kur bur ma dabid’a hi biza d’a hindid’a, subur ra kal teglesa hi Mowap-pa, a mba golot is, mat suma ablau suma mimiyâ’â a mba arî akid’ei d’a hina yegre. Suma a mba ar kurutna a mba ndak ir va d’uo mi.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 25:17

An ve kop ma süma abo Ma didina, an hum mandjaf ma lara ma Ma didina mi sunun atama á tched’a.

Jeremi 31:36

Ma didina mi dala: Ladjï gat ta an hat mahlena ndata ti dap pei avoronu ni, andjafâ hi Israel-lîna pî mba mi kak andjafâ avoron gak didin nduo mi.

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Jeremi 46:28

Ma didina mi de kua ala: Agi suma hi Jakob-ma azungeî mana, agi lagi mandar ri, kayam an nga ki sed’egiya. An mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Jeremi 48:17

Agi suma nguyuma pet, agi tchigi kamu. Agi suma wum simiyêma, agi dagi ala: Ni nana ba, totogo d’a ad’eng nga tamul la subura ti kus sei ge?

Jeremi 48:42

A mba b’lak suma Mowap-ma woyo. A mba dap pei aduk andjaf suma kayam a hle yazi akulo avok Ma didina.

Jeremi 48:45

Suma ringâ a seî woyo, a tchol ad’u anguzu ma Hesbon-na, wani akud’a ti ndeï Hesbon, sinat nga d’i ngal azì ma amula hi Sihon-na, nga d’i ngal ambasa hi suma Mowap-mid’a tinï ir haga mata dei gak mba aduk ka d’ad’ara, ti ngal suma murud’umba woi mi.

Jeremi 49:3

Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

Jeremi 49:37

An nga ni zlak suma Elam-ma avok mazi suma djangûna, avok suma a nga halazi á tchid’ina. Kur hur man ma zala, an mba ni sunuzï ndaka kaziya, an mba ni digizi ad’uzi kayî ma durâ gak ni dabazi woyo.

Ndumba 32:37

Andjafâ hi Ruben-na mi min Hesbon, Elale ki Kiriyatayim,