Jeremi 48:14 - Bible azumeina

¹⁴ Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?

Jeremi 48:14 Kruisverwysings

Sawal la giled’a 11:1

Ni sawal la David mi hlat mi hat mi ma ngolâ hi suma hle sawalina. Ma didina ni ma an ngei tan atama. Ni nana ba, agi dan ala: Ang pir i yam ahuniyô mangâ d’igi aleina na ge?

Sawal la giled’a 33:16

B’rang nga ngola hamulîd’a ti ndak á sud’um mbi; ad’enga hi grangîd’a ti ndak á sud’um mbuo mi.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Isai 10:13

Kayam mi dala: Ni kad’eng man nda abonda ba, an le kahle ndazina! An lazi ni ki ne manda, kayam an ni ma wahlena heîna. An b’lak ir hagad’a handjaf sumid’a woyo, an hurum ahle mazi suma ndjondjoîna mi. An zut amuleina kä woi yam zlumiyô mazi suma amula d’igi sama ad’engâ na mi.

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 16:6

Ami humumi zla yam mba ad’enga hi suma Mowap-mid’a, zla subur ta mazi d’a kal teglesa, hur mazi ma ngolâ, djib’er mazi d’a kal kazid’a ki subur ta mazi d’a hawa yaka mi.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Ezekiyel 30:6

Ma didina mi dala: Suma a ndjun Ezipte-na a mba puk kä, ad’eng mat ta ti subur tat kata mba d’i dap peyo. Tinï ad’ud’a Mikdol dei gak Asuwan a mba tchazi woi avun ayîna. An Salad’a Ma didina ni de na.

Sofoni 2:10

Ahle ndazina a mba mba kazi hina kayam subur ta mazid’a, kayam a hle yazi akulo, a ngul suma hi Ma didin ma ad’engêm kal petnina.