Jeremi 47:6 - Bible azumeina

⁶ Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

Jeremi 47:6 Kruisverwysings

2 Samuel 2:26

Apner mi djop Jowap ala: Ei mba tchi tei hina gagak kang zu? Ang we nga d’ala zla ndata dabi mata ni zla d’a hohoud’a d’uo zu? Ni mindja ba, ang mba de mi sum mangâ ala a ar b’oziyozina bei dika ge?

1 Sunda Hamuleinid’a 21:27

Ata yi máma Ma didina mi de mi malaikana ala: Ang hulong mbigeu manga kur aziyad’u.

Sawal la giled’a 17:13

Ma didina, ang tchol akulo, ang ngavaziya, ang zud’uzi kä, ang prud’un ndei abo suma asa’atna ki mbigeu mang nga fiyaka.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.

Jeremi 15:3

Ma didina mi dala: An mba ná ngobozi kahlena fid’i: A mba tchazi avun ayîna ki mbigeu d’a fiyaka, adureina a mba tanaziya, aluwei suma akulona kamburei suma abageina a mba kizagazi á b’lagazi woyo.

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 4:21

Ni mindja ba, an mba ni we drapod’a, ni hum tchina hadifina mi ge?

Jeremi 48:10

Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Jeremi 50:35

Ma didina mi dala: Ar a dur suma Babilon-na, ar a dur suma a nga kaka kur aziyazi ma ngolîna, mazi suma nglona ki mazi suma ned’a mi!

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 21:30

Wani ang amul ma Israel ma tcho ma mbut ira, burâ nga mi mba, ni bur ma sun mang nga tchod’a dap kuana.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Suma ka sariyad’a 7:20

Ades suma ar mbàna a le na, a bu aduveina, a to agolongeî suma a nga abozina woi mi. Suma pet a yo aku d’a ganda abozi ma gulana, a yo aduveina abozi ma ndjufâ á bud’a, a nga er ad’uzi akulo ala: Ni yam Ma didina azi ki Zedeyon!